शनिवार, ०३ ऑगस्ट
काँग्रेस नेते, आमदार बाळासाहेब थोरात यांच्या माध्यमातून संगमनेर तालुक्यातील रस्त्यांसाठी १ कोटी ४० लाख रुपयांच्या निधीला मंजुरी मिळाली असून यातून रस्त्यांची कामे मार्गी लागणार असल्याची माहिती सहकार महर्षी थोरात साखर कारखान्याचे संचालक इंद्रजीत थोरात यांनी दिली.
आमदार थोरात यांच्या माध्यमातून संगमनेर तालुक्यातील प्रत्येक गावात वाडी-वस्तीवर मूलभूत गरजांची पूर्तता करून देण्यासाठी सातत्याने प्रयत्न सुरू असतात. यातून तालुक्यात अनेक विकास काम मार्गी लागले आहे. थोरात यांचे सुसंस्कृत नेतृत्व आणि सर्वांना सोबत घेऊन जाण्याची भूमिका व केलेल्या विकास कामांच्या बळावर संगमनेर तालुका राज्य पातळीवर ग्रामीण विकासाचे मॉडेल ठरला आहे.
या रस्त्यांचे होणार काम…
कासारा दुमाला ते सावंत वस्ती रस्ता मजबुतीकरण (१५ लाख), पिंपरने ते जोर्वेकर वस्ती रस्ता मजबुतीकरण (१५ लाख), अंभोरे येथील तेल घाट ते खेमनर वस्ती रस्ता मजबुतीकरण (१५ लाख), उंबरी बाळापुर येथील लेंडी नाला ते गावठाण रस्ता मजबुतीकरण (१५ लाख), कोकणगाव ते पानसरवाडी रस्ता मजबुतीकरण (१५ लाख), समनापुर ते शिर्डी पालखी रस्ता मजबुतीकरण (१५ लाख) निमज ते खंडोबा मंदिर रस्ता मजबुतीकरण (१५ लाख), पारेगाव खुर्द येथील होळकर वस्ती रस्ता मजबुतीकरण (१० लाख), ढोलेवाडी येथील हॉटेल ग्रेप्स ते गॅलेक्सी रस्ता मजबुतीकरण (१५ लाख), ढोलेवाडी येथील पवार वस्ती ते ताजने मळा रस्ता मजबुतीकरण (१० लाख रुपये) असा १ कोटी ४० लाखांचा निधी मंजूर झाला आहे.
