महाराष्ट्र संवाद न्यूज
संगमनेर – भाजपाच्या केंद्र व राज्य सरकारच्या माध्यमातून नागरिकांना देण्यात येणारी खोटी आश्वासने, भुलथापा आणि फसव्या योजनांचा भांडाफोड संगमनेर शिवसेनेने (उद्धव बाळासाहेब ठाकरे) गेल्या तीन दिवसात संगमनेरकर नागरिकांमध्ये जाऊन केला आहे. या योजनांचा भांडाफोड करताना शिवसेनेने एक प्रकारे “होऊ द्या चर्चे”च्या माध्यमातून संगमनेरकरांना बोलते करण्याचा प्रयत्न केला.
केंद्र व राज्य सरकार विरोधात शिवसेनेकडून राज्यभर “होऊ द्या चर्चा” हा उपक्रम राबविला जात आहे. १ ते ३ ऑक्टोंबर दरम्यान संगमनेर शहर व तालुका शिवसेनेच्यावतीने शहरातील १४ प्रभागांमध्ये गल्लो-गल्ली, चौका-चौकात शिवसेना शहरप्रमुख अमर कतारी यांच्या माध्यमातून या कार्यक्रमाचे आयोजन करण्यात आले होते.
तीन दिवस सुरू असलेल्या या उपक्रमात शिवसेनेच्या पदाधिकारी, शिवसैनिकांसह संगमनेरकर बोलते झाले होते. केंद्र व राज्य सरकार विरोधातील असंतोष यावेळी व्यक्त करण्यात आला.
पंतप्रधान नरेंद्र मोदी यांच्या काळा पैसा भारतात परत आणण्याच्या तसेच प्रत्येकाच्या खात्यात १५ लाख रुपये देण्याच्या योजनेचा, सरकारी शाळांचे खाजगी कंत्राटीकरण, शासन आपल्या दारी, महागाई, इंधनाच्या वाढत्या किमती, २०२२ पर्यंत प्रत्येकाला पक्के घर, मुंबईच्या अरबी समुद्रात शिवस्मारक बांधणे, कुख्यात गुन्हेगार दाऊद इब्राहिमला पाकिस्तानातून फरफटत आणणे, महिलांच्या सुरक्षा, शिक्षण, रस्ते, पाणी, बेरोजगारी, युवकांना नोकऱ्या, गॅस सिलेंडर सबसिडी, शेतीमालाला हमीभाव, पिक विमा आदी फसव्या बोलघेवड्या योजनांचा पर्दाफाश या उपक्रमातून करण्यात आला.
तालुकाप्रमुख भाऊसाहेब हासे, उपतालुका प्रमुख निलेश गुंजाळ, शरद कवडे, सदाशिव हासे, विजय सातपुते, विकास डमाळे, इम्तियाज शेख, वेणूगोपाल लाहोटी, दीपक वन्नम, सुदर्शन इटप, युवा सेना जिल्हाप्रमुख अमित चव्हाण, गोविंद नागरे, अमोल डुकरे, आसिफ तांबोळी, फैसल सय्यद, सचिन साळवे, दीपक साळुंखे, नितीन अनाप, माधव फुलमाळी, परवेज शेख, संकेत खुळे, प्रवीण चव्हाण, जितेंद्र दर्वे, एस. पी. राहणे, लिंगमूर्ती चिंता, गणेश पर्बत, सचिन पावबाके, वैभव अभंग, नाना बाप्ते, अशोक बडे, सचिन जाधव, प्रसन्न गोरे, मनोहर जाधव, ओंकार राऊत, मुकेश काटे, प्रकाश चोथवे, जयदेव यादव, अनिल खुळे, अक्षय बिल्लाडे, अनुप म्हाळस आदींसह संगमनेरकर सहभागी झाले होते. यातील बहुतेकांनी भाषणाद्वारे सरकारच्या योजनांचा पर्दाफाश केला.
शिवसेना उपनेते बबन घोलप, लोकसभा संपर्कप्रमुख सुनील शिंदे, विधानसभा संपर्कप्रमुख सूर्यकांत शिंदे, उत्तर नगर जिल्हा प्रमुख मुजीब शेख यांच्या सहकार्यातून संगमनेरमध्ये या कार्यक्रमाचे आयोजन करण्यात आले होते. कार्यक्रमाच्या माध्यमातून सरकारच्या फसव्या योजनांचा भांडाफोड करण्यात आला. जाहिरातपिपासू व फेकू सरकारचा निषेध या माध्यमातून आम्ही अनोख्या पद्धतीने केला. या माध्यमातून जनतेच्या मनातील प्रश्नांना वाचा फोडण्याचे काम केले गेले. संगमनेरकरांचा मोठा प्रतिसाद यावेळी दिसून आला. – अमर कतारी शिवसेना संगमनेर शहर प्रमुख.
