महाराष्ट्र संवाद न्यूज
छत्रपती शिवाजी महाराजांचा अश्वारूढ पुतळा बस स्थानक परिसरातच व्हावा, यासाठी आमदार बाळासाहेब थोरात यांच्या मार्गदर्शनाखाली आमदार सत्यजित तांबे यांनी सातत्याने पाठपुरावा केला आहे. छत्रपतींचा अश्वारूढ पुतळा व भव्य दिव्य शहीद स्मारक बस स्थानक परिसरात करण्यासाठी प्रयत्न सुरू असल्याची माहिती माजी नगराध्यक्ष दुर्गाताई तांबे यांनी दिली आहे.
नुकत्याच झालेल्या जिल्हा नियोजन समितीच्या बैठकीत सर्व तालुक्यांमध्ये शिवस्मारक बांधण्यासंदर्भातील घोषणा करण्यात आली आहे. याचे स्वागत करत तांबे यांनी म्हटले आहे की, संगमनेरमधील छत्रपती शिवाजी महाराजांच्या अश्वारूढ पुतळ्यासाठी जिल्हा नियोजन समितीने एक कोटी रुपयांचा निधी मंजूर केला आहे. हे अश्वारूढ पुतळा बस स्थानक परिसरात व्हावा, यासाठी आमदार सत्यजित तांबे यांनी पालकमंत्री व जिल्हाधिकारी यांच्याकडे सातत्याने केलेल्या पाठपुराव्यानंतर बस स्थानक परिसरातील जागेचे हस्तांतर अंतिम टप्प्यात आले आहे. या स्मारकासाठी आमचा सातत्यपूर्ण प्रयत्न राहिला आहे.
अश्वारूढ पुतळा आणि शहीद स्मारकासाठी एक कोटी रुपयांचा निधी पुरेसा नसून त्यासाठी किमान दोन कोटी रुपयांचा निधी मिळाल्यास छत्रपती शिवाजी महाराजांच्या अश्वारूढ पुतळ्यासह बस स्थानक परिसरात व्हीक्टोरिया क्रॉस विजेते नामदेवराव जाधव यांचे शहीद स्मारक करता येईल. हे स्मारक तालुक्यातील स्वातंत्र्य सैनिक स्वातंत्र्योत्तर काळात ज्यांनी देशाच्या संरक्षणासाठी, स्वातंत्र्यासाठी आपली प्राणाची आहुती दिली अशांच्या स्मरणार्थ नामदेव जाधव यांच्या शहीद स्मारकाचा प्रस्ताव देखील नगरपालिकेचा आहे ही दोन्ही कामे वाढीव निधीतून पूर्ण होऊ शकतात. त्यासाठी जिल्हाधिकाऱ्यांनी दोन कोटी रुपयांचा निधी उपलब्ध करून द्यावा, यासाठी आमदार सत्यजित तांबे यांनी जिल्हाधिकाऱ्यांशी पत्रव्यवहार केला आहे.
यासंदर्भात राज्य सरकार व जिल्हाधिकाऱ्यांकडे पाठपुरावा सुरू आहे. संगमनेर मध्ये बस स्थानक परिसरात हा अश्वारूढ पुतळा व्हावा यासाठी संगमनेर नगर परिषदेने 3 जून 2019 रोजीच्या सर्वसाधारण सभेमध्ये ठराव देखील केला असल्याचे सांगत या स्मारकाबाबत आमदार बाळासाहेब थोरात यांनी महाविकास आघाडी सरकारच्या काळात सातत्याने पाठपुरावा केला.
सरकार बदलल्यानंतर देखील आमदार सत्यजित तांबे यांनी यासाठीचा पाठपुरावा सुरू ठेवला होता. त्यासाठी त्यांनी 21 ऑगस्ट 2023 रोजी पुतळ्यासाठी सदरची बस स्थानकातील जागा नगर परिषदेकडे हस्तांतरित करावी. अशी मागणी देखील केली आहे या मागणीला मुख्यमंत्र्यांनी सकारात्मक प्रतिसाद देत एसटी महामंडळाला तसा प्रस्ताव सादर करण्याची निर्देश केले आहे तो प्रस्ताव देखील आता अंतिम टप्प्यात असल्याने पुतळ्यासाठीची जागा लवकरच नगर परिषदेकडे वर्ग होईल. असे दुर्गाताई तांबे यांनी म्हटले आहे.
