मंगळवार, २९ ऑक्टोंबर
विधानसभा निवडणुकीच्या तोंडावर संगमनेर पोलिसांनी मोठी कारवाई केली आहे. गावठी पिस्तूल विक्रीसाठी घेऊन आलेल्या एका व्यक्तीला पोलिसांनी गावठी पिस्तुलासह पकडले असून या कारवाईत ३१ लाखाहून अधिक रकमेचा मुद्देमाल हस्तगत केला आहे. 
संबंधित आरोपी विरोधात शहर पोलीस ठाण्यात गुन्हा दाखल करण्यात आला असून आरोपीला अटक करण्यात आली आहे. आशिष सुनीलदत्त महिरे (वय २८, मूळ रा. सातपूर, नाशिक हल्ली राहणार गोल्डन सिटी संगमनेर) असे पोलिसांनी कारवाईत अटक केलेल्या आरोपीचे नाव आहे.
अधिक माहिती अशी, संगमनेर शहरातील कुरणरोड भागात एक व्यक्ती गावठी पिस्तुलाची विक्री करण्यासाठी येणार असल्याची माहिती संगमनेरचे पोलीस उपअधीक्षक कुणाल सोनवणे यांना मिळाली होती. त्यांनी याची माहिती सहाय्यक पोलीस निरीक्षक कल्पेश दाभाडे, पोलीस कॉन्स्टेबल राहुल सारबंदे, पोलीस नाईक राहुल डोके यांना देत संबंधित ठिकाणी जाऊन कारवाई करण्याचे आदेश दिले होते.
पथकाने माहिती मिळालेल्या परिसरात जाऊन शोध घेतला असता कुरण रोड परिसरातील आझादनगर गल्ली क्रमांक २ समोरून रस्त्यावर एक व्यक्ती त्याच्या ताब्यातील टोयाटो फॉर्च्यूनर गाडीसह (एम.एच. 15 एफ 9630) संशयास्पद स्थितीत आढळून आला.
पोलीस पथकाने संशयित व्यक्तीकडे विचारपूस केली असता त्याने उडवा उडवीची उत्तरे दिली. तसेच त्याचे नाव विचारले. संशयित आरोपी आशिष महिरे याची अंगजाठी तसेच गाडीची झटके घेतले असता ड्रायव्हरच्या सेट खाली सिल्वर रंगाचे लोखंडे धातूचे गावठी पिस्तूल मिळून आले. पथकाने या संदर्भात अधिक चौकशी केली असता महिरे याने अधिक रक्कम मिळाल्यास सदर पुस्तकाचे विक्री करणार असल्याचे पोलीस पथकाला सांगितले. 
पथकाने आरोपीकडून ५० हजार रुपये किमतीचा सिल्वर रंगाची व त्यावर काळ्या रंगाची पट्टी असलेल्या आणि सोबत मॅक्झिन असलेल्या गावठी पिस्तूलसह २ आयफोन, तीस लाख रुपये किमतीचे सिल्वर रंगाची टोयाटो फोरचुनर गाडी, मोबाईल असा मुद्देमाल हस्तगत केला आहे. 
या संदर्भात संगमनेर शहर पोलीस ठाण्यात पोलीस उपअधीक्षक यांच्या कार्यालयातील पोलीस नाईक राहुल डोके यांनी दिलेल्या फिर्यादीवरून आरोपी विरोधात गुन्हा दाखल करण्यात आला आहे.
