संगमनेर, दि. २७ फेब्रुवारी
विधान परिषदेच्या उपसभापती, उपमुख्यमंत्री एकनाथ शिंदे यांच्या शिवसेनेच्या नेत्या नीलम गोऱ्हे यांच्या बद्दल शिवसेना ठाकरे गटाचे नेते खासदार संजय राऊत यांनी केलेल्या वक्तव्याचा निषेध करत गुरुवारी संगमनेरमध्ये राऊत यांच्या प्रतिकात्मक प्रतिमेला जोडे मारो आंदोलन करत प्रतिमा दहन करण्यात आली.
बस स्थानकाच्या प्रवेशद्वारा बाहेर महायुतीतील पदाधिकाऱ्यांनी आमदार अमोल खताळ यांच्या मार्गदर्शनाखाली हे आंदोलन केले. यावेळी खासदार संजय राऊत यांच्या विरोधात जोरदार घोषणाबाजी करत त्यांचा निषेध करण्यात आला, अशी माहिती संगमनेरचे आमदार अमोल खताळ यांच्या प्रसिद्धी कार्यालयाकडून देण्यात आली आहे.
यावेळी आमदार खताळ यांच्या पत्नी नीलम खताळ, शिवसेनेच्या महिला जिल्हाप्रमुख कावेरी नवले, भाजपाच्या ओबीसी महिला मोर्चाच्या सरचिटणीस पायल ताजने, शिवसेना उप जिल्हाप्रमुख दिपाली वाव्हळ, तालुकाप्रमुख संगीता बांबळे, शहरप्रमुख वैशाली तारे, उपशहर प्रमुख मनीषा पंधारे या महिला पदाधिकाऱ्यांसह शिवसेनेचे जिल्हा संघटक विठ्ठल घोरपडे, तालुका प्रमुख राजेंद्र सोनवणे, रमेश काळे, शहरप्रमुख दिनेश फटांगरे, विनोद सूर्यवंशी राहुल खताळ, बाळासाहेब राऊत, सौरभ देशमुख, सुशील शेवाळे, आरपीआयचे शहराध्यक्ष कैलास कासार, भाजप तालुका सचिव महेश मांडेकर, लहुजी शक्ती सेनेचे अध्यक्ष मंजाबापू साळवे, निसार शेख, बबलू काझी, वरद बागुल, संदेश देशमुख, सुयोग गुंजाळ, सुयोग जोंधळे, गणेश आंबरे, मज्जू जागीरदार यांच्यासह महायुतीच्या कार्यकर्त्यांचा समावेश होता.
छत्रपती शिवाजी महाराज यांच्या महाराष्ट्रात कायमच महिलांचा सन्मान केला गेला. मात्र खा. संजय राऊत यांच्यासारखे मागच्या दाराने येऊन खासदार झालेले नेते छत्रपतींच्या महाराष्ट्रातील महिलांचा जर अपमान करत असेल किंवा त्यांच्याविषयी अपमानास्पद बोलत असेल ते निषेधार्य असल्याचे मत निलम खताळ, कावेरी नवले, पायल ताजने यांनी व्यक्त केले.
संपूर्ण महाराष्ट्राच्या राजकारणाला कीड लावणाऱ्या उद्धव बाळासाहेब ठाकरे शिवसेना गटाचे खा. संजय राऊत यांनी शिवसेनेच्या उपनेते आणि विधान परिषद उपसभापती नीलम गोऱ्हे यांच्याविषयी अपमानास्पद वक्तव्य करून महाराष्ट्रातील महिलांच्या भावना दुखावल्या. राऊत यांना महायुती कधीही भीक घालणार नाही असा, असा इशारा शिवसेनेचे जिल्हा संघटक विठ्ठल घोरपडे, तालुकाप्रमुख रमेश काळे राजेंद्र सोनवणे, शहरप्रमुख दिनेश फटांगरे व विनोद सूर्यवंशी, आरपी आयचे शहर अध्यक्ष कैलास कासार, भाजपचे तालुका सचिव महेश मांडेकर आणि लहुजी सेनेचे अध्यक्ष मांजाबापू साळवे यांनी म्हटले.
