महाराष्ट्र संवाद न्यूज – संगमनेर
आरपीआय (आठवले) पक्षाच्या वतीने आमदार अमोल खताळ पाटील यांचा वाढदिवस मोठ्या उत्साहात साजरा करण्यात आला. याप्रसंगी विविध क्षेत्रातील मान्यवर आणि कार्यकर्त्यांनी आमदार खताळ पाटील यांना शुभेच्छा दिल्या. याच कार्यक्रमात रिपब्लिकन पार्टी ऑफ इंडिया (आरपीआय) चे जिल्हाध्यक्ष सुरेंद्र थोरात यांचाही आमदार खताळ पाटील यांच्या हस्ते विशेष सत्कार करण्यात आला.
आमदार अमोल खताळ पाटील यांच्या वाढदिवसानिमित्त कृष्णा हॉटेल येथे कार्यकर्त्यांनी मोठी गर्दी केली होती. आमदार खताळ पाटील यांच्या कार्याचा गौरव करत उपस्थितांनी त्यांना पुढील वाटचालीस शुभेच्छा दिल्या. कार्यकर्त्यांनी ढोल-ताशांच्या गजरात आणि घोषणाबाजी करत उत्स्फूर्तपणे आपला आनंद व्यक्त केला.
या सोहळ्यादरम्यान, आरपीआयचे जिल्हाध्यक्ष सुरेंद्र भाऊ थोरात यांच्या सामाजिक आणि राजकीय योगदानाला गौरविण्यात आले. आमदार अमोल खताळ यांनी सुरेंद्र थोरात यांचा शाल, श्रीफळ आणि पुष्पगुच्छ देऊन सत्कार केला. या सत्काराबद्दल सुरेंद्र थोरात यांनी आमदार खताळ यांचे आभार मानले.
यावेळी महाराष्ट्र राज्याचे सचिव विजुभाऊ वाकचौरे, तालुका अध्यक्ष आशिष शेळके, शहराध्यक्ष कैलास कासार, कार्याध्यक्ष विजू खरात, पत्रकार राजेश गायकवाड, पत्रकार शानू बेगमपुरे, रुपेश राऊत, सिद्धार्थ खरात, अमोल रागपसरे यांच्यासह अनेक पदाधिकारी आणि कार्यकर्ते मोठ्या संख्येने उपस्थित होते. सर्वांनी मिळून आमदार अमोल खताळ यांना वाढदिवसाच्या शुभेच्छा दिल्या.
