भोजापूर चारीच्या विस्तारीकरणामुळे पाणीप्रश्न सुटणार; ३० कोटींचा प्रस्ताव सादर

महाराष्ट्र संवाद न्यूज ऑनलाईन

संगमनेर / शिर्डी:

भोजापूर चारीच्या विस्तारीकरणासाठी ३० कोटी रुपयांचा प्रस्ताव शासनाकडे सादर करण्यात आला असून त्याला लवकरच मंजुरी मिळेल, अशी ग्वाही जिल्ह्याचे पालकमंत्री तथा जलसंपदामंत्री राधाकृष्ण विखे पाटील यांनी दिली आहे. दमणगंगा-वैतरणा-गोदावरी नदीजोड प्रकल्पात या चारीचा समावेश झाल्याने या भागातील पाणीप्रश्न लवकरच कायमस्वरूपी सुटणार असल्याचेही त्यांनी सांगितले.

गेल्या चाळीस वर्षांपासून रखडलेल्या भोजापूर चारीला अखेर पाणी मिळाले असून, यानिमित्ताने संगमनेर तालुक्यातील तिगाव येथे जलपूजन समारंभ आयोजित करण्यात आला होता. यावेळी पालकमंत्री विखे पाटील बोलत होते. या कार्यक्रमाला आमदार अमोल खताळ, जलसंपदा विभागाच्या कार्यकारी अभियंता सोनल शहाणे, जलसंधारण विभागाचे अभियंता हरीभाऊ गीते, उपविभागीय अधिकारी अरुण उंडे, तसेच परिसरातील शेतकरी आणि पदाधिकारी उपस्थित होते.

यावेळी बोलताना विखे पाटील म्हणाले की, भोजापूर चारीचे रखडलेले काम पूर्ण करण्यासाठी जलसंपदा विभागाने दोन कोटी रुपयांचा निधी मंजूर केला होता. यामुळे हे काम पूर्ण होऊन प्रत्यक्ष पाणीपुरवठा सुरू झाला आहे. आता ही चारी जलसंपदा विभागाकडे वर्ग झाल्यामुळे भविष्यातील कामांना गती मिळेल.

भोजापूर चारीच्या विस्तारीकरणासाठी ३० कोटी रुपयांचा प्रस्ताव तयार करण्यात आला आहे. या प्रस्तावाला लवकरच अंतिम मंजुरी मिळेल, अशी आशा आहे. या विस्तारीकरणामुळे पाणी वहनाची कार्यक्षमता वाढेल, पूर नियंत्रणात मदत होईल, आणि अधिक शेतीला सिंचनासाठी पाणी उपलब्ध होईल.

दमणगंगा-वैतरणा-गोदावरी नदीजोड प्रकल्पात भोजापुर चारीचा समावेश करण्यात आला आहे. यामुळे ३३ हजार हेक्टर क्षेत्र सिंचनाखाली येण्याची शक्यता आहे. या प्रकल्पाचा अहवाल अंतिम टप्प्यात असून, लवकरच त्याच्या अंमलबजावणीला सुरुवात होईल.

या व्यतिरिक्त, साकूर आणि आसपासच्या गावांचा पाणीप्रश्न सोडवण्यासाठी एक स्वतंत्र योजना तयार करण्यात येत असून, तिचाही लवकरच प्रारंभ होईल, असे पालकमंत्र्यांनी सांगितले. आमदार अमोल खताळ यांनीही यावेळी आपले मनोगत व्यक्त केले.

What's Hot

संगमनेरात प्रशासनाविरोधात संतापाचा उद्रेक; यांचा ‘दिमाग और दफ्तर ठीक करो’ आंदोलनाचा इशारा

शनिवार, १७ ऑक्टोंबर — तुमचा आजचा दिवस कसा असेल

भोजापूर चारीच्या विस्तारीकरणामुळे पाणीप्रश्न सुटणार; ३० कोटींचा प्रस्ताव सादर

संगमनेरात प्रशासनाविरोधात संतापाचा उद्रेक; यांचा ‘दिमाग और दफ्तर ठीक करो’ आंदोलनाचा इशारा

आदिवासी बांधवांचा शिंदेंच्या शिवसेनेत प्रवेश! आमदार खताळ सोडविणार शिरसगाव धुप्याचा पाणी, रस्ते, वीज प्रश्न

संगमनेरात प्रशासनाविरोधात संतापाचा उद्रेक; यांचा ‘दिमाग और दफ्तर ठीक करो’ आंदोलनाचा इशारा

शनिवार, १७ ऑक्टोंबर — तुमचा आजचा दिवस कसा असेल

Our Picks

What's Hot

भोजापूर चारीच्या विस्तारीकरणामुळे पाणीप्रश्न सुटणार; ३० कोटींचा प्रस्ताव सादर

Related Posts