संगमनेर – माजी मंत्री बाळासाहेब थोरात यांच्या मार्गदर्शनाखाली संगमनेर तालुक्याच्या विकासाला आणखी बळ मिळाले आहे. तालुक्यातील विविध रस्त्यांच्या मजबुतीकरण आणि रुंदीकरण कामांसाठी जिल्हा वार्षिक योजनेतून ८५ लाख रुपयांचा निधी मंजूर झाला असल्याची माहिती आमदार सत्यजित तांबे यांनी दिली. या निधीमुळे तालुक्याचे रस्त्यांचे जाळे अधिक मजबूत आणि सुलभ होणार आहे.
आमदार सत्यजित तांबे यांनी या निधी मंजुरीबद्दल सांगितले की, माजी मंत्री बाळासाहेब थोरात यांच्या दूरदृष्टीमुळे एकेकाळी दुष्काळी असलेला संगमनेर तालुका आज ‘वैभवशाली तालुका’ म्हणून ओळखला जातो. त्यांनी नेहमीच सर्वसामान्य नागरिकांच्या विकासाला प्राधान्य दिले आहे. त्यांच्या नेतृत्वाखाली, जिल्हा वार्षिक योजना सर्वसाधारण २०२५-२६ अंतर्गत ३०५४, ३०६८ ग्रामीण रस्ते विकास व मजबुतीकरण योजनेतून जिल्हा परिषद सार्वजनिक बांधकाम विभागाकडून हा निधी मंजूर झाला आहे.
या निधीतून तालुक्याच्या विविध भागांतील महत्त्वाच्या रस्त्यांची कामे केली जाणार आहेत. या कामांमध्ये खालील रस्त्यांचा समावेश आहे.
मंगळापूर: राष्ट्रीय महामार्ग ५० ते मंगळापूर रस्ता सुधारणा – १५ लाख रुपये
निमगाव बुद्रुक: नांदुरी दुमाला ते निमगाव बुद्रुक रस्ता सुधारणा – १५ लाख रुपये
धांदरफळ खुर्द: धांदरफळ खुर्द ते डोंगरे वस्ती रस्ता सुधारणा – १५ लाख रुपये
वडगाव लांडगा: जवळेकडलग रस्ता सुधारणा – १० लाख रुपये
धुपे: दिघे वस्ती रस्ता सुधारणा – १० लाख रुपये
चिखली: मेमाने वस्ती रस्ता सुधारणा – २० लाख रुपये
या निधीमुळे रस्त्यांची गुणवत्ता सुधारणार असून, नागरिकांची दळणवळणाची सोय अधिक चांगली होणार आहे.
या विकासकामांसाठी निधी उपलब्ध करून दिल्याबद्दल मंगळापूर, चिखली, धुपे, निमगाव बुद्रुक, धांदरफळ खुर्द, वडगाव लांडगा आणि जवळेकडलग येथील ग्रामस्थांनी माजी मंत्री बाळासाहेब थोरात आणि आमदार सत्यजित तांबे यांचे आभार मानले आहेत.
काम बोलते, नाणं खणखणीत आहे!
बाळासाहेब थोरात आणि आमदार सत्यजित तांबे यांच्या नेतृत्वाखाली संगमनेर तालुक्यात सुरू असलेल्या विकासकामांचा वेग कायम आहे. या निधी मंजुरीनंतर, ‘काम बोलते, नाणं खणखणीत आहे’ अशा आशयाच्या पोस्ट सोशल मीडियावर मोठ्या प्रमाणावर व्हायरल होत आहेत. सध्याच्या राजकीय परिस्थितीत काही लोक नकारात्मक भूमिका घेत असले, तरी संगमनेरची शांतता आणि विकासाची गती ही बाळासाहेब थोरात यांच्या कामाची साक्ष देत आहे, असे नागरिक सांगत आहेत. त्यामुळे शहरातील व तालुक्यातील नागरिक पुन्हा एकदा थोरात यांच्या नेतृत्वाखाली एकवटले आहेत.
संगमनेरच्या विकासाला गती! रस्ते मजबुतीकरणासाठी ८५ लाखांचा निधी मंजूर – आमदार सत्यजित तांबे
माजी मंत्री बाळासाहेब थोरात यांच्या दूरदृष्टीमुळे एकेकाळी दुष्काळी असलेला संगमनेर तालुका आज 'वैभवशाली तालुका' म्हणून ओळखला जातो. त्यांनी नेहमीच सर्वसामान्य नागरिकांच्या विकासाला प्राधान्य दिले आहे.
