संगमनेर – गेल्या तीन-चार वर्षांपासून रखडलेल्या स्थानिक स्वराज्य संस्थांच्या निवडणूक प्रक्रियेला वेग आला आहे. संगमनेर नगरपालिका निवडणुकीसाठी अंतिम प्रभाग रचना जाहीर झाल्यानंतर बुधवारी प्रभाग निहाय आरक्षण सोडत काढण्यात आली.
पिठासन अधिकारी तथा संगमनेरचे प्रांताधिकारी अरुण उंडे यांच्या अध्यक्षतेखाली झालेल्या बैठकीत ही सोडत काढण्यात आली असून यावेळी पालिकेच्या प्रभारी मुख्याधिकारी धनश्री पवार, प्रशासन अधिकारी संजय पेखळे, राजेंद्र गुंजाळ आदी उपस्थित होते.
असे आहे प्रभाग निहाय आरक्षण…
प्रभाग १ अ – नागरिकांचा मागास प्रवर्ग महिला
प्रभाग १ ब – सर्वसाधारण
प्रभाग २ अ – अनुसूचित जाती
प्रभाग २ ब – सर्वसाधारण महिला
प्रभाग ३ अ – नागरिकांचा मागास प्रवर्ग
प्रभाग ३ ब – सर्वसाधारण महिला
प्रभाग ४ अ – सर्वसाधारण महिला
प्रभाग ४ ब – सर्वसाधारण
प्रभाग ५ अ – नागरिकांचा मागास प्रवर्ग महिला
प्रभाग ५ ब – सर्वसाधारण
प्रभाग ६ अ – सर्वसाधारण महिला
प्रभाग ६ ब – सर्वसाधारण
प्रभाग ७ अ – सर्वसाधारण महिला
प्रभाग ७ ब – सर्वसाधारण
प्रभाग ८ अ – नागरिकांचा मागास प्रवर्ग महिला
प्रभाग ८ ब – सर्वसाधारण
प्रभाग ९ अ – नागरिकांचा मागास प्रवर्ग
प्रभाग ९ ब – सर्वसाधारण महिला
प्रभाग १० अ – सर्वसाधारण महिला
प्रभाग १० ब – सर्वसाधारण
प्रभाग ११ अ – नागरिकांचा मागास प्रवर्ग महिला
प्रभाग ११ ब – सर्वसाधारण
प्रभाग १२ अ – नागरिकांचा मागास प्रवर्ग
प्रभाग १२ ब – सर्वसाधारण महिला
प्रभाग १३ अ – अनुसूचित जाती महिला
प्रभाग १३ ब – सर्वसाधारण
प्रभाग १४ अ – सर्वसाधारण महिला
प्रभाग १४ ब – सर्वसाधारण
प्रभाग १५ अ – नागरिकांचा मागास प्रवर्ग
प्रभाग १५ ब – सर्वसाधारण महिला
महिलांमध्ये निरुत्साह... संगमनेर नगर परिषदेचे नगराध्यक्षपद सर्वसाधारण महिलेसाठी राखीव झाले आहे. तर पंधरा प्रभागांमधून 50% आरक्षणाप्रमाणे पंधरा महिला नगरसेवकपदी आरूढ होणार आहे. संगमनेर नगर परिषदेवर एकंदरीतच महिलाराज येणार असल्याचे स्पष्ट झाले असले तरी आजच्या प्रभाग निहाय आरक्षण सोडतीसाठी एकही महिला उपस्थित नव्हती. ही दुर्दैवाची बाब आहे. तर संभाव्य इच्छुक पुरुष उमेदवारांनी बऱ्यापैकी गर्दी केली असली तरी त्यातील अनेकांचे प्रभाग महिला राखीव झाल्याने तसेच त्यांच्या प्रभागात राखीव जागांचे आरक्षण पडल्याने त्यांचा हिरमोड झाला आहे.
