संगमनेर, प्रतिनिधी –
प्रभाग क्रमांक १४ मध्ये विकासकामांची पाहणी करण्यासाठी गेलेल्या नगरसेवकाचा एक वेगळाच अंदाज रहिवाशांना पाहायला मिळाला. कामाच्या व्यापातून वेळ काढत नगरसेवक योगेश जाजू यांनी चक्क लहान मुलांसोबत गल्ली क्रिकेटचा आनंद लुटला. त्यांच्या या ‘इनिंग’ची सध्या संगमनेरमध्ये जोरदार चर्चा सुरू आहे.
नगरसेवक म्हणून सभागृहामध्ये नागरिकांचे प्रश्न मांडत असताना नगरसेवक योगेश जाजू हे आपल्या प्रभागातील दैनंदिन विकासकामांची पाहणी करत होते. प्रभागातील या पाहणी दरम्यान काही मुले तेथे रस्त्यालगत क्रिकेट खेळत होती. खेळता खेळता अचानक चेंडू त्यांच्या पायापाशी आला. मुलांनीही मोठ्या उत्साहाने त्यांना खेळण्याचा आग्रह केला. हा आग्रह मोडता न आल्याने, जाजू यांनी हातात बॅट धरली आणि जुन्या आठवणींना उजाळा दिला.
काही वेळ नगरसेवक पदाचा प्रोटोकॉल बाजूला सारून जाजू यांनी मुलांच्या गोलंदाजीवर जोरदार फटकेबाजी केली. यावेळी बोलताना त्यांनी भावना व्यक्त केल्या की, राजकारणातील गुंतागुंतीच्या प्रश्नांपेक्षा या मुलांच्या ‘गुगली’ झेलण्यात जास्त आनंद आहे. आपण कितीही मोठे झालो, तरी संगमनेरच्या या गल्ल्यांमध्ये आपलं बालपण जिवंत राहतं.
केवळ रस्ते आणि गटारींची कामे करणे म्हणजे विकास नसून, प्रभागातील चिमुकल्यांच्या चेहऱ्यावर जेव्हा समाधान आणि हसू असते, तेच लोकप्रतिनिधी म्हणून माझ्या कामाचे खरे प्रमाणपत्र आहे, अशी भावना त्यांनी यावेळी व्यक्त केली.
या क्रिकेट मॅचचे फोटो त्यांनी आपल्या सोशल मीडियावर टाकल्यानंतर ते फोटो सध्या सोशल मीडियावर चांगलेच व्हायरल होत असून, त्यांच्या या साधेपणाचे नागरिकांकडून कौतुक होत आहे.
कामाचा आढावा घेताना रंगला आठवणींचा खेळ; नगरसेवक योगेश जाजू यांचा फलंदाजीवर हातसाफ!
यावेळी बोलताना त्यांनी भावना व्यक्त केल्या की, राजकारणातील गुंतागुंतीच्या प्रश्नांपेक्षा या मुलांच्या 'गुगली' झेलण्यात जास्त आनंद आहे. आपण कितीही मोठे झालो, तरी संगमनेरच्या या गल्ल्यांमध्ये आपलं बालपण जिवंत राहतं.
