आदिवासी बांधवांचा शिंदेंच्या शिवसेनेत प्रवेश! आमदार खताळ सोडविणार शिरसगाव धुप्याचा पाणी, रस्ते, वीज प्रश्न

महाराष्ट्र संवाद न्यूज ऑनलाईन-

संगमनेर तालुक्यातील शिरसगाव धुपे येथील आदिवासी बांधवांनी आमदार अमोल खताळ यांच्या उपस्थितीत शिवसेनेत जाहीर प्रवेश केला.

अनेक वर्षांपासून प्रलंबित असलेले प्रश्न मार्गी लागतील, या विश्वासाने शिवसेना-महायुतीचे आशिष कानवडे व भागवत कानवडे यांच्या पुढाकाराने गावातील असंख्य नागरिक व महिलांनी हा प्रवेश केला.

ग्रामपंचायत सदस्या सुजाता धराडे, पूजा धराडे, राजू धराडे, निवृत्ती धराडे, अंकुश दिघे, रामनाथ भोजने, संतोष धराडे, संतोष दिघे, नामदेव धराडे, सखाराम दिघे, अमित कोरडे, रामा भुतंबरे, दीपक धराडे, गणेश धराडे, संजय धराडे, जालिंदर धराडे, अर्जुन धराडे, सागर धराडे, सखुबाई धराडे, संगीता दिघे, संगीता कोरडे, चंद्रभागा कोरडे, नेहाबाई धराडे, मंगला कोरडे, हिराबाई दिघे, मंदाबाई कोरडे, सोनाबाई धराडे आणि विजया धराडे यांचा प्रवेश करणाऱ्यांमध्ये समावेश आहे.

या प्रसंगी बोलताना आमदार अमोल खताळ म्हणाले, तालुक्यातील तुमच्यासारख्या सर्वसामान्य जनतेने माझ्यासारख्या सर्वसामान्य शेतकऱ्याच्या मुलाला आमदार होण्याची संधी दिली आहे. ही संधी केवळ आमदार म्हणून मिळविण्यासाठी नसून जनतेचे प्रश्न सोडविण्यासाठी मिळाली आहे. शिरसगाव धुपे येथील पाणी, रस्ते व वीज हे मूलभूत प्रश्न सोडवण्याचे आश्वासन दिले. सातगाव पाणीपुरवठा योजनेतून उंचावरील या गावाला पुरेसे पाणी मिळण्यात येणाऱ्या अडचणी दूर करण्यासाठी प्रयत्न सुरू असल्याचे त्यांनी स्पष्ट केले.

तसेच जलजीवन मिशनच्या माध्यमातून ठेकेदारांचे हित जपण्याऐवजी सर्वसामान्य जनतेच्या हिताची कामे करण्याला आपले प्राधान्य असल्याचे त्यांनी सांगितले.

दरम्यान, ग्रामस्थांनी केलेल्या मागणीची दखल घेत गावातील श्री बिरोबा महाराज यात्रोत्सवासाठी पुढील वर्षापर्यंत सभामंडप उभारून देण्याचा शब्दही आमदार खताळ यांनी दिला.