उपजिल्हाप्रमुख पदी मुजीब शेख; शिर्डी लोकसभा जिल्हा संघटक आप्पा केसेकर; तालुका प्रमुखपदी भाऊसाहेब हासे यांच्या निवडी जाहीर
महाराष्ट्र संवाद न्यूज नेटवर्क
शिवसेनेचे शहर प्रमुख अमर कतारी यांची पाचव्यांदा तर उपनगर शहर प्रमुखपदी प्रसाद पवार यांची दुसऱ्यांदा शहराध्यक्षपदी नियुक्ती करण्यात आली आहे. याशिवाय उप जिल्हा प्रमुखपदी मुजीब शेख, शिर्डी लोकसभा जिल्हा संघटक आप्पा केसेकर, तालुका प्रमुखपदी भाऊसाहेब हासे यांच्या देखील निवडी जाहीर झाल्या आहेत.
संगमनेरातील शिवसेना (उद्धव बाळासाहेब ठाकरे) पक्षाचे पदाधिकारी बदलण्यासाठी अंतर्गत वारे वाहत होते. यासाठी अनेकांनी देव पाण्यात टाकले, मात्र नव्या निवडी जाहीर झाल्याने या सर्वांच्या पदरी निराशा पडली आहे. 
शिवसेना उद्धव बाळासाहेब ठाकरे पक्षप्रमुख उद्धव ठाकरे यांच्या आदेशावरून अहमदनगर जिल्ह्यातील नव्या पदाधिकाऱ्यांच्या निवडी आज दैनिक ‘सामना’तून जाहीर करण्यात आल्या आहेत.
शिवसेनेतील सर्वात मोठ्या बंडानंतर संगमनेरातून शिवसेना (उद्धव बाळासाहेब ठाकरे) पक्षात पदाधिकारी म्हणून कोणाला संधी मिळते, याबद्दल शिवसैनिकांमध्ये उत्सुकता होती. गत अकरा वर्षापासून शिवसेना शहर प्रमुख म्हणून काम बघणाऱ्या अमर कतारी यांच्यावर विश्वास व्यक्त करत पक्षप्रमुखांनी त्यांना पाचव्यांदा शहर प्रमुखपदी संधी दिली आहे तर दुसरे उपनगर शहर प्रमुख प्रसाद पवार यांना देखील दुसऱ्यांदा या पदावर संधी मिळाली आहे.
शनिवारच्या दैनिक सामना मधून जाहीर झालेले शिवसेनेचे नवे पदाधिकारी पद, नाव आणि कार्यक्षेत्र पुढील प्रमाणे :
जिल्हाप्रमुख : रावसाहेब खेवरे (संगमनेर, अकोले व शिर्डी), प्रमोद लबडे (कोपरगाव, श्रीरामपूर व नेवासे)
उपजिल्हाप्रमुख : मुजीब शेख (संगमनेर, अकोले), शेखर दुभैया (श्रीरामपूर शहर), देविदास सोनवणे (श्रीरामपूर ग्रामीण)
सहसंपर्क प्रमुख : राजेंद्र झावरे (कोपरगाव, श्रीरामपूर व नेवासे)
जिल्हा संघटक : बाळासाहेब जाधव (कोपरगाव, श्रीरामपूर व नेवासा), आप्पा केसेकर (शिर्डी लोकसभा)
तालुकाप्रमुख : शिवाजी ठाकरे (कोपरगाव तालुका), सचिन कोते (राहाता तालुका), डॉ. मनोज मोरे (अकोले तालुका पूर्व), संतोष मुर्तडक (अकोले तालुका पश्चिम), भाऊसाहेब हासे (संगमनेर तालुका), राधाकृष्ण बोरकर (श्रीरामपूर तालुका (पश्चिम), दादा कोकणे (श्रीरामपूर तालुका (पूर्व)
शहरप्रमुख : सनी वाघ (कोपरगाव शहर), संजय शिंदे (शिर्डी शहर), भागवत लांडगे (राहाता शहर), नितीन नाईकवाडी (अकोले शहर), अमर कतारी (संगमनेर शहर), प्रसाद पवार (संगमनेर उपनगर), अतुल शेटे (श्रीरामपूर शहर)
शहर समन्वयक : कलविंदर दडीयाल (कोपरगाव शहर)
विधानसभा संघटक : अस्लम शेख (कोपरगाव विधानसभा)
शहर संघटक : गणेश होले (राहाता शहर), सचिन बडदे (श्रीरामपूर शहर)
