महाराष्ट्र संवाद न्यूज
गुजरातच्या मुख्यमंत्रीपदी भूपेंद्र पटेल यांनी सोमवारी शपथ घेतली. पटेल यांच्यासह त्यांच्या नव्या मंत्रिमंडळात 16 नव्या मंत्र्यांना शपथ देण्यात आली आहे. पटेल गुजरातचे अठरावे मुख्यमंत्री आहेत.
गांधीनगर सचिवालयाच्या हेलिपॅड मैदानावर सोमवारी दुपारी दोन वाजता राज्यपालांनी या सर्वांना पदाची शपथ दिली. पटेल यांच्या नव्या सरकारमध्ये आठ कॅबिनेट दोन स्वतंत्र प्रभार आणि सहा राज्यमंत्री असतील.
पटेल यांनी मुख्यमंत्री पदाची शपथ घेतल्यानंतर त्यांच्या पाठोपाठ 16 मंत्र्यांनी शपथ घेतली आहे. पंतप्रधान नरेंद्र मोदी, गृहमंत्री अमित शहा, संरक्षण मंत्री राजनाथ सिंह यांच्यासह भाजपशासित राज्याचे मुख्यमंत्री शपथविधी सोहळ्यासाठी उपस्थित होते. महाराष्ट्रातूनही मुख्यमंत्री एकनाथ शिंदे उपमुख्यमंत्री देवेंद्र फडणवीस उपस्थित होते. याशिवाय देशभरातील भारतीय जनता पार्टीचे दोन हजाराहून अधिक नेते आणि 200 संत शपथविधी सोहळ्यासाठी उपस्थित होते.
मुख्यमंत्री झालेले पटेल हे पाटीदार समाजातील एकमेव नेते आहेत, जे सलग दुसऱ्यांदा मुख्यमंत्री होत आहेत. 15 महिन्यांपूर्वी त्यांना विजय रुपानी यांच्या जागी गुजरातची जबाबदारी देण्यात आली होती. 
पटेल यांच्यासह ज्या 16 मंत्र्यांनी शपथ घेतली त्यांची नावे पुढील प्रमाणे :-
कॅबिनेट मंत्री
1. कनुभाई देसाई
2. ऋषिकेश पटेल
3. राघवजी भाई पटेल
4. बलवंत सिंह राजपूत
5. भानुबेन बावरिया
6. कुबेरभाई डिंडोर
7. कुंवरजी बावडिया
8. अय्यर मुलुभाई बेरा
राज्यमंत्री स्वतंत्र प्रभार
1. हर्ष संघवी
2. जगदीश विश्वकर्मा
राज्यमंत्री
1. पुरुषोत्तम सोलंकी
2. बच्चूभाई खाबड
3. मुकेशभाई पटेल
4. प्रफुल्ल पानसेरिया
5. भीखूसिंह परमार
6. कुंवरजी भाई हड़पति
