महाराष्ट्र संवाद न्यूज नेटवर्क
संगमनेर : लोकप्रतिनिधींनी सुचविलेल्या रस्त्यांच्या विविध कामांसाठी जिल्हा वार्षिक योजनेतून तब्बल तीन कोटी दहा लाख रुपयांचा निधी संगमनेर तालुक्यासाठी मंजूर झाला आहे. काँग्रेसचे विधिमंडळ पक्ष नेते माजी महसूल मंत्री व आमदार बाळासाहेब थोरात यांनी यासाठी सातत्याने पाठपुरावा केला होता.
राज्य सरकारकडून थोरात यांनी मोठा निधी उपलब्ध करत तालुक्यातील वाड्या वस्त्यांवर विविध विकासाच्या योजना राबविल्या आहेत. जिल्हा वार्षिक योजनेतून २०२२-२०२३ मधून येथील देखील तालुक्यासाठी तीन कोटी दहा लाख रुपये निधी मंजूर करण्यात आल्याची व यातून तालुक्यातील विविध रस्त्यांची कामे केली जाणार असल्याची माहिती सहकार महर्षी भाऊसाहेब थोरात सहकारी साखर कारखान्याचे संचालक इंद्रजीत थोरात यांनी दिली आहे.
१७१ गावे आणि २५० पेक्षा अधिक वाड्या वस्त्यांचा समावेश असलेल्या संगमनेर तालुक्यात थोरात यांनी विविध विकास कामे मार्गी लावली आहे.
आमदार थोरात यांच्या पाठपुराव्यातून होणारी ही कामे तातडीने सुरू केली जाणार आहेत. त्यामुळे निमगाव जाळी, मांची हिल, गुंजाळवाडी, कासारा दुमाला, मंगळापुर, धांदरफळ बुद्रुक, धांदरफळ खुर्द, सारोळे पठार, माळेगाव पठार कौठे बुद्रुक, चिंचोली गुरव, देवकौठे, रायतेवाडी, पेमगिरी, सावरचोळ, खांडगाव, तळेगाव, घुलेवाडी, सायखिंडी, सोनेवाडी, मालदाड, मनोली, निमोण, कऱ्हे, साई श्रद्धा चौक आदी परिसरातील नागरिकांनी थोरात यांचे आभार मानले आहेत.
या रस्त्यांच्या कामाचा आहे समावेश…
चिंचपूर मळई वस्ती ते प्रतापूर, निमगाव जाळी रस्ता मजबुतीकरण १५ लाख रुपये, पांढरी रस्ता ते मांची हिल रस्ता १५ लाख रुपये, घुलेवाडी एकता चौक ते साई श्रद्धा चौक रस्ता खडीकरण व डाबरीकरण १५ लाख रुपये, गुंजाळवाडी अरगडे मळा गेट ते गुंजाळवाडी चौफुली रस्ता मजबुतीकरण व डांबरी करण्यासाठी १० लाख रुपये, राष्ट्रीय महामार्ग ५० ते मंगळापूर कासार दुमाला रस्ता मजबुतीकरण व डांबरी करण्यासाठी १० लाख रुपये, राष्ट्रीय महामार्ग ५० ते करमाळा रस्ता मजबुती करण्यासाठी १५ लाख रुपये, कौठे धांदरफळ क्षीरसागर मळा ते सांगवी रस्ता डांबरीकरणासाठी १५ लाख रुपये, सारोळे पठार, धादवडवाडी, माळेगाव पठार रस्ता मजबुतीकरण १५ लाख रुपये, कौठे बुद्रुक ते पौसावाडी रस्ता १५ लाख रुपये, चिंचोली गुरव, वामनवाडी, बोडकेवाडी तळेगाव रस्ता १५ लाख रुपये, निमगाव खुर्द ते काशाई मंदिर डांबरीकरण करणे १० लाख रुपये, रायतेवाडी तनपुरे वस्ती ते दिघे वस्ती चौगुले पर्यंत रस्त्याची खडीकरण करणे १० लाख रुपये , मोरदरा, पेमगिरी येलूशी वाडी रस्ता मजबुतीकरण व डांबरीकरण कामासाठी १५ लाख रुपये, खांडगाव ते ग्रामीण रस्ता मजबुतीकरण १० लाख रुपये, सावरचोळ ते चंदगड रस्ता १० लाख रुपये, मनोली ते शिंदेवस्ती रस्ता मजबुतीकरण व डांबरीकरण करणे २० लाख रुपये, निमोन, क-हे रस्ता मजबुतीकरण व डांबरीकरण करणे २० लाख रुपये, तळेगाव ते घोडमाळ, देवकौठे रस्ता मजबुतीकरण व डांबरीकरण २० लाख रुपये, घुलेवाडी ते खांजापूर रस्ता मजबुतीकरण डांबरीकरण करणे २० लाख रुपये, सायखिंडी रस्ता ते राष्ट्रीय महामार्ग डाबरीकरण करणे २० लाख रुपये सोनेवाडी ते मालदाड रस्ता डांबरीकरण करणे १० लाख रुपये या कामांसाठी एकूण ३ कोटी १० लाख रुपये निधी मंजूर झाला आहे.
निळवंडे कालव्यासाठी आमदार थोरात यांचाच पाठपुरावा…
आमदार बाळासाहेब थोरात यांनीच अनेक अडचणीवर मात करून निळवंडे धरण पूर्ण केले असून कालव्यांच्या कामासाठी त्यांनीच पाठपुरावा केला आहे. महाविकास आघाडी सरकार सत्तेवर आल्यानंतर सर्वात जास्त निधी मिळवून देत ऑक्टोबर २०२२ मध्येच पाणी दुष्काळी भागातील शेतकऱ्यांच्या शेतात नेण्यासाठी रात्रंदिवस काम सुरू ठेवले होते, मात्र सरकार बदलले आणि सदर कामाला स्थगिती मिळाली. तरीही आमदार थोरात हेच या कालव्याच्या कामासाठी पाठपुरावा करत असून तेच शेतकऱ्यांना पाणी देतील असा विश्वास दुष्काळी भागातील नागरिकांना असल्याचे म्हटले आहे.
