विधान परिषद निवडणुकीत भाजपने पहिलं खातं उघडलं; कोकण शिक्षक मतदार संघातून म्हात्रे विजयी

महाराष्ट्र संवाद न्यूज नेटवर्क
विधान परिषद निवडणुकीतील निकाल हाती येण्यास सुरुवात झाली असून कोकण विभागीय शिक्षक मतदार संघातील पहिला कल भारतीय जनता पक्षाच्या बाजूने आला आहे. या मतदारसंघातून भाजपचे ज्ञानेश्वर म्हात्रे विजय झाले असून त्यांनी शेकापचे बाळाराम पाटील यांचा पराभव केला आहे.
30 जानेवारीला नाशिक अमरावती पदवीधरसह औरंगाबाद, नागपूर आणि कोकण शिक्षक मतदार संघासाठी निवडणूक झाली. पदवीधर मतदार संघाच्या पाचही जागांसाठी गुरुवारी सकाळी आठ वाजता मतमोजणी सुरुवात झाली असून नाशिक पदवीधर मतदार संघाच्या प्रत्यक्ष मतमोजणी सुरुवात होण्यास दुपार उजाडली होती. नाशिकचे मतमोजणी सुरू होण्यापूर्वीच कोकण विभागीय शिक्षक मतदार संघाचा पहिला निकाल समोर आला आहे.
कोकण विभागीय शिक्षक मतदार संघातील मतदानाची अंतिम आकडेवारी पुढीलप्रमाणे :-
ज्ञानेश्वर म्हात्रे भारतीय जनता पक्ष – 20,683 विजयी
बाळाराम म्हात्रे (महाविकास आघाडी) – 10,997 पराभूत
धनाजी पाटील 1490 पराभूत
उस्मान रोहेकर 75 पराभूत
तुषार भालेराव 90 पराभूत
संतोष डामसे 16 पराभूत
नोटा आणि बाद 1619
एकूण मतदान 35,069
मोजली गेलेली मते 33,450