महाराष्ट्र संवाद न्यूज नेटवर्क
विधान परिषदेच्या औरंगाबाद शिक्षक मतदार संघाचा निकाल जाहीर झाला असून या मतदारसंघातून महाविकास आघाडीचे उमेदवार विक्रम काळे यांचा विजय झाला आहे. त्यामुळे औरंगाबादवर राष्ट्रवादी काँग्रेसने तर नागपूरवर काँग्रेसने विजय मिळवत आपले खाते उघडले आहे. भाजपला कोकणातून विजय मिळाला आहे.
आत्तापर्यंत समोर आलेल्या निकालामध्ये महाविकास आघाडीला दोन जागा तर भारतीय जनता पार्टीला एक जागा मिळाली आहे. काँग्रेस राष्ट्रवादी काँग्रेस आणि भाजपने प्रत्येकी एकेका जागेवर विजय मिळविला असून चुरशीच्या ठरलेल्या नाशिकच्या लढतीकडे राजकीय वर्तुळाचे लक्ष लागले आहे. या मतदारसंघातून अपक्ष उमेदवार सत्यजित तांबे दुसऱ्या फेरी अखेर आघाडी घेऊन असले तरी अद्याप तीन फेऱ्या बाकी आहेत.
औरंगाबादच्या लढतीकडे राज्याचे लक्ष लागले होते त्यामुळे या ठिकाणांच्या निवडणुकीत मोठी सुरस दिसत होती. अपेक्षेप्रमाणे येथून राष्ट्रवादी काँग्रेसचे विक्रम काळे यांनी सलग चौथ्यांदा विजय प्राप्त केला आहे. मतमोजणीच्या पहिल्या पसंतीचा कोठा कोणताही उमेदवार पूर्ण करू न शकल्याने या मतदारसंघात दुसऱ्या पसंतीचे मते मोजण्यात आली आहेत.
महाविकास आघाडीचे उमेदवार विक्रम काळे यांना एकूण वीस हजार मते मिळाली तर भाजपचे उमेदवार किरण काळे यांना 13000 मते मिळाली याशिवाय शिक्षक संघटनेचे उमेदवार सूर्यकांत विश्वासराव यांना देखील 13000 मते मिळाले असून 2000 मत बाद झाले आहेत. अमरावती आणि नाशिक पदवीधर मतदारसंघाची मतमोजणी सुरू असून या तुळशीच्या ठरलेल्या लढतीकडे लक्ष लागले आहे.
औरंगाबाद आणि नागपूरच्या विजयी उमेदवारांचे माजी मुख्यमंत्री अशोक चव्हाण यांनी अभिनंदन केले आहे
महाराष्ट्र विधान परिषदेच्या नागपूर शिक्षक मतदारसंघात महाविकास आघाडीचे उमेदवार सुधाकर अडबाले तर औरंगाबाद शिक्षक मतदारसंघातून महाविकास आघाडीचेच विक्रम काळे विजयी झाल्याबद्दल मनःपूर्वक अभिनंदन. pic.twitter.com/i90zQfnG28
— Ashok Chavan (@AshokChavanINC) February 2, 2023
