महाराष्ट्र संवाद न्यूज
शिर्डी लोकसभा निवडणुकीत यावेळी निवडून येणारा खासदार हा शिवसेना (उद्धव बाळासाहेब ठाकरे) पक्षाचाच असेल, अशी ग्वाही शिर्डी लोकसभा संपर्कप्रमुख माजी मंत्री बबन घोलप यांनी दिली.
शिवसेना (उद्धव बाळासाहेब ठाकरे) पक्षाच्यावतीने शिवसेना पक्षप्रमुख उद्धव ठाकरे, युवासेना प्रमुख आदित्य ठाकरे यांच्या मार्गदर्शनाखाली संपूर्ण महाराष्ट्रभर शिवगर्जना अभियान राबवण्यात येत आहे. याच पार्श्वभूमीवर शिर्डी लोकसभा मतदार संघातदेखील शिवगर्जना अभियानास सुरुवात करण्यात आली.
संगमनेरमध्ये व्यापारी असोसिएशनच्या सभागृहात बुधवारी झालेल्या शिवगर्जना अभियानावेळी घोलप बोलत होते. यावेळी शिवसेना ठाकरे पक्षाचे उपनेते विनोद घोसाळकर, उपनेते विनोद कदम, माजी खासदार सुभाष वानखेडे, शिरोळचे माजी आमदार उल्हास पाटील, युवा सेनेचे साईनाथ दुर्गे आदी पदाधिकाऱ्यांसह संगमनेर-अकोलेतील शिवसैनिक, गटप्रमुख, गणप्रमुख, विभागप्रमुख, शाखाप्रमुखांसह मुख्य पदाधिकारी उपस्थित होते.
घोलप म्हणाले, शिर्डी लोकसभा मतदारसंघात या पुढील खासदार उद्धव ठाकरे यांच्याच पक्षाचा असेल तो मी असेल किंवा अन्य कोणी मात्र खासदार आपलाच असेल, असा ठाम निर्धार व्यक्त करत उपस्थितांना मार्गदर्शन केले.
विनोद घोसाळकर म्हणाले, आता फक्त लढायचं नाही तर जोपर्यंत जिंकत नाही तोपर्यंत लढायचं. आता लढायचं पण आणि जिंकायचं पण याच निर्धाराने काम करावे लागणार आहे. उपनेते विनोद कदम, माजी खासदार सुभाष वानखेडे, शिरोळचे माजी आमदार उल्हास पाटील, युवा सेनेचे साईनाथ दुर्गे यांनी देखील यावेळी उपस्थितांना मार्गदर्शन केले.
महिला आघाडीच्या जिल्हाप्रमुख सपना मोरे, उत्तर नगर जिल्हा प्रमुख कोपरगाव विभाग प्रमोद लबडे, उप जिल्हाप्रमुख महेश नवले, संगमनेर तालुकाप्रमुख भाऊसाहेब हासे, पठार भाग प्रमुख संजय फड, युवा सेना जिल्हाध्यक्ष अमित चव्हाण, माजी उपजिल्हाप्रमुख रावसाहेब गुंजाळ, अकोले तालुकाप्रमुख डॉ. मनोज मोरे, अकोले पश्चिम भाग तालुकाप्रमुख संतोष मुर्तडक, अकोले शहर प्रमुख नितीन नाईकवाडी, संगमनेर महिला आघाडी तालुकाप्रमुख शितल हासे, आशा केदारी, संगीता गायकवाड, सुरेखा गुंजाळ, युवा सेनेचे शहर प्रमुख अमोल डुकरे, तालुका प्रमुख राजू गायकवाड, पठार भाग प्रमुख योगेश खेमनर, जना नागरे, लक्ष्मण सोन्नर, एकनाथ खेमनर, उप तालुकाप्रमुख अमित फटांगरे, रंगनाथ फटांगरे, उत्तमराव ढेरंगे, विजू सातपुते, विकास डमाळे, इम्तियाझ शेख, दीपक वन्नम, वेणुगोपाल लाहोटी, दीपक साळुंखे, असिफ तांबोळी, अक्षय गुंजाळ, गोविंद नागरे, विजय भागवत, भीमा अनाप अजिज मोमीन, शोएब शेख, अक्षय बिल्लाडे, प्रकाश क्षत्रिय, माधव फुलमाळी, अनिल माळी, प्रशांत खजुरे आदी उपस्थित होते. कार्यक्रमाचे प्रास्ताविक नागपूर संपर्कप्रमुख नरेश माळवे यांनी तर शिवसेना शहर प्रमुख अमर कतारी यांनी सूत्रसंचालन केले. जिल्हाप्रमुख मुजीब शेख यांनी आभार व्यक्त केले.
