महाराष्ट्र संवाद न्यूज
संगमनेर :
जागतिक महिला दिनाचे औचित्य साधून संगमनेरमध्ये शिवसेना उद्धव बाळासाहेब ठाकरे पक्षाच्यावतीने महिलांचा सन्मान करण्यात आला.
महिला आज सर्वच क्षेत्रात पुरुषांच्या बरोबरीने खांद्याला खांदा लावून काम करताना दिसत आहे. सर्वच छत्रपती महिलांनी अभूतपूर्व योगदान दिले आहे. देशात महिलांना समान हक्क दिल्याने महिला यशस्वी घोडदौड करत आहे. सर्वच क्षेत्रात नारीशक्तीची ताकद मोठी असल्याने अशा काही महिलांचा शिवसेनेच्या महिला संपर्क नेत्या शुभांगी पाटील, शिर्डी लोकसभा मतदारसंघाचे संपर्कप्रमुख बबन नाना घोलप, उत्तर नगर जिल्हा प्रमुख मुजीब शेख यांच्या मार्गदर्शनाखाली एमएसईबी मधील शमी गणपतीच्या प्रांगणात शिवसेना उद्धव बाळासाहेब ठाकरे पक्षाचे शहरप्रमुख अमर कतारी यांच्या हस्ते गुलाब पुष्प देऊन सन्मान करण्यात आला.
सामाजिक कार्यकर्त्या शिल्पा बोराडे, शुभांगी पगारे, स्नेहा नवले, कोमल दामनी, स्वाती क्षीरसागर, पूजा मुंगसे, राजश्री भंडारी, अमृता करपे, सुफला तांबे, संध्या पावनखड, संगीता गायकवाड, आशा केदारी, सुरेखा गुंजाळ, जयश्री शेंडे आदी महिलांचा यात समावेश होता.
यावेळी शिवसेना तालुकाप्रमुख भाऊसाहेब हासे, पठार भाग प्रमुख संजय फड, युवा सेना जिल्हाप्रमुख अमित चव्हाण, युवा सेना तालुका प्रमुख राजू सातपुते, अनुप म्हाळस, शाखाप्रमुख अजीज मोमीन, शिवसेना संगमनेर कार्याध्यक्ष दीपक साळुंखे यांच्यासह शिवसैनिक, पदाधिकारी उपस्थित होते.
