महाराष्ट्र संवाद न्यूज
शिवसेना मध्यवर्ती कार्यालयाकडून शिर्डी लोकसभा मतदारसंघातील शिवसेना उद्धव बाळासाहेब ठाकरे पक्षाच्या पदाधिकाऱ्यांच्या नियुक्त्या जाहीर झाल्यानंतर आता त्या पाठोपाठ युवा सेनेच्या पदांसाठीचा मुलाखतीचा कार्यक्रम निश्चित केल्याची माहिती युवा सेनेचे उत्तर नगर जिल्हा प्रमुख अमित चव्हाण यांनी दिली आहे.
चव्हाण म्हणाले, नियुक्तांसंदर्भातील कार्यक्रम युवा सेनेच्या मध्यवर्ती कार्यालयातून जाहीर करण्यात आला आहे. अशी माहिती सचिव वरुण सरदेसाई यांनी पत्रकाद्वारे कळविली असून यासंदर्भातील कार्यक्रम दैनिक सामनामधून जाहीर करण्यात आला आहे.
शिर्डी लोकसभेतील युवासेनेच्या पदांकरिता नेमणुका करण्यात येत असून, सर्व पदांकरिता मुलाखती घेण्यात येणार आहेत. युवासेनेचा पदाधिकारी होण्यास इच्छुक असणाऱ्यांनी युवासेनेचा सक्रिय सदस्य असणे आवश्यक आहे, असे युवासेना मध्यवर्ती कार्यालयातून सांगण्यात आले आहे.
इच्छुक उमेदवारांनी मुलाखतीपूर्वी एक तास अगोदर उपस्थित राहावे. तसेच येताना आपले छायाचित्र सोबत आणावे. इच्छुक कार्यकर्त्यांसाठी माहिती अर्ज मुलाखती ठिकाणी उपलब्ध करून देण्यात येतील. त्यामुळे जास्तीत जास्त इच्छुकांनी उपस्थित राहण्याचे आवाहन अमित चव्हाण यांनी केले.
संगमनेर, अकोले, शिर्डी विधानसभेसाठी शनिवारी व रविवारी अशा होतील मुलाखती…
