महाराष्ट्र संवाद न्यूज
देशाचे पंतप्रधान नरेंद्र मोदी यांच्या विरोधी पोस्टर लावल्याच्या कारणावरून पोलिसांनी शंभर एफआयआर नोंदविले आहेत तर सहा जणांना आतापर्यंत अटक केली. पंतप्रधानांविरोधातील पोस्टरवरून राजधानी दिल्लीतील वातावरण चांगलेच तापले आहे.
प्रिंटिंग प्रेस अॅक्ट आणि फॉरेस्टेशन ऑफ प्रॉपर्टी अॅक्ट अंतर्गत सर्व गुन्हे दाखल करण्यात आले असून या आशयाचे पोस्टरही जप्त करण्यात आले असल्याची माहिती समोर येत आहे. याप्रकरणी 6 जणांना अटक करण्यात आली असल्याची माहिती पोलिसांकडून देण्यात आली आहे.
पोलिसांनी दिलेल्या माहितीनुसार, दिल्लीच्या काही भागात ‘मोदी हटाओ देश बचाओ’ असे आशय लिहिलेले पोस्टर्स लावण्यात आले होते. या पोस्टर्समध्ये छापखान्याचा तपशील नव्हता. पण आयपी स्टेट पोलीस स्टेशनच्या एका कॉन्स्टेबलने पप्पू मेहता नावाच्या व्यक्तीला पोस्टर लावताना पकडले. यावेळी या पप्पू मेहतासोबत पोस्टरचे 38 बंडल सापडले आहेत. त्यामुळे हे पोस्टर कोणी लावले याचा शोध घेण्याचे आव्हान दिल्ली पोलिसांसमोर निर्माण झाले आहे.
दरम्यान, आम आदमी पक्षाने पोलिसांच्या कारवाईला हुकूमशाही असल्याचे म्हटले आहे. पक्षाने आपल्या अधिकृत ट्विटर हँडलवर लिहिले की, “मोदी सरकारची हुकूमशाही शिगेला पोहोचली आहे. पोस्टरमध्ये मोदींजीवर एवढे काय आक्षेपार्ह लिहिण्यात आले आहे की, पोलिसांनी 100 एफआयआर दाखल केल्या आहेत. मोदींना माहित नसेल पण भारत हा एक लोकशाहीचा देश आहे. एका पोस्टरमुळे इतके काय घाबरायचे?”
मोदी सरकार की तानाशाही चरम पर है‼️
इस Poster में ऐसा क्या आपत्तिजनक है जो इसे लगाने पर मोदी जी ने 100 F.I.R. कर दी?
PM Modi, आपको शायद पता नहीं पर भारत एक लोकतांत्रिक देश है।
एक पोस्टर से इतना डर! क्यों? pic.twitter.com/RLseE9Djfq
— AAP (@AamAadmiParty) March 22, 2023
