महाराष्ट्र संवाद न्यूज
नवी दिल्ली : दिल्लीच मुख्यमंत्री अरविंद केजरीवाल यांनी स्वतःच ट्विट केलेला एक व्हिडिओ चर्चेत आला आहे. केजरीवाल यांनी आज भर विधानसभेत आमदारांना एक गोष्ट ऐकवली.
मोदींच्या डिग्री प्रकरणावरून केजरीवाल यांनी या गोष्टीद्वारे त्यांनी पंतप्रधानांवर निशाणा साधल्याचं म्हटलं जातंय. केजरीवाल म्हणाले, एक चौथी पास राजा होता. त्याने एमएची खोटी डिग्री तयार केली. माहितीच्या अधिकाराखाली याची माहिती मागितली तर लोकांवर त्याने २५-२५ हजार रुपयांचा दंड ठोठवला. एक दिवस रात्री ८ वाजता राजाने सगळ्या चलनी नोटा बंद केल्या. देशात हाहाकार माजला. लोकांचे धंदे बंद पडले. लोकांकडे रोजगारही उरला नाही.
त्यानंतर शेतकरी कायदे केले. मूर्खपणाने या राजाने ते तीन काळे कायदे मंजूर केले. त्यामुळे देशभरातील शेतकरी रस्त्यावर उतरले. चौथी पास राजाने मित्रासोबत मिळून देश लुटला. सरकारी ठेके मित्राला दिले. मित्राच्या नावाखाली देशात लूट चालवली. आधी बँका लूटल्या. मित्राला कर्ज वाटले. राजा आणि त्याच्या मित्राने सरकारी संपत्तीवर कब्जा केला… अशी गोष्ट केजरीवाल यांनी सांगितली.
गोष्ट ऐकताना उपस्थित विधानसभा सदस्यांमध्ये चांगलाच हशा पिकला. सोशल मीडियात आज केजरीवाल यांनी सांगितलेल्या गोष्टीचा हा व्हिडिओ चर्चेत आला आहे.
पूर्ण गोष्ट ऐकण्यासाठी बघा हा केजरीवाल यांनी ट्विट केलेला व्हिडिओ
Moral of the Story!
यदि देश में कुछ ठीक-ठाक ना हो और यदि देश की जनता महँगाई और गरीबी से
जूझ रही हो तो सबसे पहले यह देखें कि देश का राजा अनपढ़ तो नहीं है‼️अंधेर नगरी चौपट राजा, टके सेर भाजी टके सेर खाजा!
—CM @ArvindKejriwal #चौथी_पास_राजा pic.twitter.com/QXBB5EiMUu
— AAP (@AamAadmiParty) April 17, 2023
