संगमनेर कृषी उत्पन्न बाजार समितीवर माजी मंत्री बाळासाहेब थोरात यांचेच वर्चस्व

अनंत पांगारकर | महाराष्ट्र संवाद न्यूज
संगमनेर कृषी उत्पन्न बाजार समितीवर अपेक्षेप्रमाणे माजी महसूल मंत्री आमदार बाळासाहेब थोरात यांचेच वर्चस्व कायम राहिले आहे. विद्यमान महसूल मंत्री राधाकृष्ण विखे पाटील यांनी प्रतिष्ठेच्या केलेल्या या निवडणुकीत त्यांच्या जनसेवा मंडळाचा साफ धुव्वा उडाला आहे. त्यांच्या अधिपत्याखालील एकही उमेदवार निवडून येऊ शकला नाही. एका जागेवर थोरात समर्थक अपक्ष उमेदवाराचा व शेतकरी विकास मंडळाचे सतरा उमेदवार विजयी झाले आहेत.

बाजार समितीच्या 18 जागांसाठी शुक्रवारी मतदान पार पडले. निवडणूक मैदानामध्ये थोरात यांच्या मार्गदर्शनाखालील शेतकरी विकास मंडळ आणि विखे यांच्या मार्गदर्शनाखाली जनसेवा मंडळात सरळ लढत झाली. शुक्रवारी मतपेटीत 45 उमेदवारांचे भवितव्य बंद झाले होते. निवडणूक निर्णय अधिकारी तथा उपनिबंधक सर्जेराव कांदळकर सहाय्यक निवडणूक अधिकारी बाजार समितीचे सचिव सतीश गुंजाळ यांच्या नेतृत्वाखाली शनिवारी मतमोजणी शांततेत पार पडली.

सुरुवातीला व्यापारी गटाची मतमोजणी करण्यात आली. तर सर्वात शेवटी सोसायटी गटाची मतमोजणी करण्यात आली अंतिम निकाल अडीच वाजण्याच्या सुमारास जाहीर करण्यात आला. पोलीस निरीक्षक भगवान मथुरे यांच्या नेतृत्वाखाली मतमोजणी स्थळे मोठा पोलीस बंदोबस्त तैनात करण्यात आला होता.

उमेदवार आणि त्यांना मिळालेली मते
सोसायटी मतदार संघ:- (बाद मते 86)
डॉ. अशोक वामनराव इथापे (जनसेवा मंडळ- 430)
सुरेश रामचंद्र कान्होरे (शेतकरी विकास मंडळ – 1150 विजयी)
सतीश विश्वनाथ खताळ (शेतकरी विकास मंडळ – 1130 विजयी)
शंकर हनुमंता खेमनर (शेतकरी विकास मंडळ- 1130 विजयी)
ॲड. श्रीराम अरविंद गणपुले (जनसेवा मंडळ- 409)
गीताराम दशरथ गायकवाड (शेतकरी विकास मंडळ- 1129 विजयी)
विकास शांताराम गायकवाड (जनसेवा मंडळ- 385)
मनीष सूर्यभान गोपाळे (शेतकरी विकास मंडळ- 1116 विजयी)
भीमराज नामदेव चत्तर (जनसेवा मंडळ- 404)
भाऊराव रामराव देशमुख (अपक्ष- 07)
योगेश मधुकर देशमुख (अपक्ष- 04)
कैलास बाळासाहेब पानसरे (शेतकरी विकास मंडळ- 1094 विजयी)
काशिनाथ रभाजी पावसे (जनसेवा मंडळ- 381)
कचरू भाऊपाटील वारुक्षे (अपक्ष- 00)
रमेश नामदेव शिंगोटे (अपक्ष- 05)
बाळासाहेब लहानु शेटे (जनसेवा मंडळ- 383)
यशवंत कारभारी शेळके (जनसेवा मंडळ- 369)
विजय विठ्ठल सातपुते (शेतकरी विकास मंडळ- 1049 विजयी)

संस्था महिला राखीव मतदार संघ:- (बाद मते 6)
अंजनाबाई पुंजा दिघे (जनसेवा मंडळ- 440)
रोहिणी किशोर निघूते (जनसेवा मंडळ- 446)
दिपाली भाऊसाहेब वर्पे (शेतकरी विकास मंडळ- 1189 विजयी)
रुक्मिणी शिवाजी साकूरे (शेतकरी विकास मंडळ- 1158 विजयी)

सोसायटी मतदार संघ इतर मागासवर्गीय:- (बाद मते 12)
शरद ज्ञानदेव गोर्डे (जनसेवा मंडळ- 435)
सुधाकर पुंजाजी ताजने (शेतकरी विकास मंडळ- 1176 विजयी)

सोसायटी मतदार संघ विमुक्त जाती भटक्या जमाती:- (बाद मते 8)
अनिल शिवाजी घुगे (शेतकरी विकास मंडळ- 1169 विजयी)
संदीप भाऊसाहेब घुगे (जनसेवा मंडळ- 446)

ग्रामपंचायत सर्वसाधारण मतदारसंघ:- (बाद मते 71)
जनार्दन म्हातारबा आहेर (जनसेवा मंडळ- 480)
संतु गंगाधर कुटे (अपक्ष- 04)
दत्तात्रय केशव गुंजाळ (अपक्ष- 13)
संदीप भास्करराव देशमुख (जनसेवा मंडळ- 379)
अरुण तुळशीराम वाघ (शेतकरी विकास मंडळ- 864 विजयी)
सखाहरी बबन शरमाळे (शेतकरी विकास मंडळ- 832 विजयी)

ग्रामपंचायत अनुसूचित जाती जमाती मतदारसंघ:- (बाद मते 37)
संजय दादा खरात (शेतकरी विकास मंडळ- 930 विजयी)
महादू जानकु गोंधे (जनसेवा मंडळ- 399)

ग्रामपंचायत आर्थिक दुर्बल घटक प्रतिनिधी मतदार संघ:- (बाद मते 40)
निलेश बबन कडलग (शेतकरी विकास मंडळ- 936 विजयी)
संजय दत्तात्रय पावसे (जनसेवा मंडळ- 390)

व्यापारी मतदारसंघ:- (बाद मते एक)
मनसुख शंकर भंडारी (शेतकरी विकास मंडळ- 336 विजयी)
अजीम गुलाम हुसेन शेख (जनसेवा मंडळ- 33)
खलील नवाब शेख (जनसेवा मंडळ- 21)
नबी पापा शेख (अपक्ष- 01)
निसार गुलाब शेख (शेतकरी विकास मंडळ- 339 विजयी)
रफिक पापा (बेपारी) शेख (अपक्ष- 01)

हमाल मापाडी मतदारसंघ:- (बाद मते चार)
सचिन बाळकृष्ण कर्पे (अपक्ष- 90 विजयी)
महेंद्र रखमा गुंजाळ (शेतकरी विकास मंडळ- 52)
सोमनाथ तुकाराम दिघे (जनसेवा मंडळ- 01)