राहाता (महाराष्ट्र संवाद न्यूज)
राहाता कृषी उत्पन्न बाजार समितीमध्ये राज्याचे महसूल तथा जिल्ह्याचे पालकमंत्री राधाकृष्ण विखे पाटील यांच्या नेतृत्वाखालील जनसेवा मंडळाने सर्वच्या सर्व 18 जागांवर मोठा नेत्रदीपक विजय मिळविला आहे. त्यामुळे या बाजार समितीवर त्यांचे वर्चस्व कायम राहिले.
संगमनेर आणि राहाता कृषी उत्पन्न बाजार समितीमध्ये आजी-माजी महसूल मंत्र्यांनी एकमेकांविरोधात आपले पॅनल उभे केले होते. निवडणूक निकालानंतर दोघांनीही आपापल्या बाजार समित्या कायम राखल्या आहेत. संगमनेरमध्ये थोरात यांच्या तर राहत्या मध्ये विखे यांच्या नेतृत्वाखालील मंडळांनी सर्वच्या सर्व जागांवर यश मिळविल्याने दोन्ही सामने बरोबरीत सुटले आहे.
राहाता बाजार समिती सार्वत्रिक निवडणुकीसाठी सुरुवातीलाच तीन जागा बिनविरोध झाल्यानंतर मंत्री विखे पाटील यांच्या नेतृत्वाखालील जनसेवा मंडळ आणि माजी मंत्री बाळासाहेब थोरात यांच्या नेतृत्वाखालील महाविकास आघाडी पुरस्कृत शेतकरी परिवर्तन मंडळात सरळ लढत झाली. राहाता बाजार समितीवर एकहाती वर्चस्व असलेल्या मंत्री विखे यांच्या नेतृत्वाला माजी मंत्री बाळासाहेब थोरात यांच्या नेतृत्वाखालील महाविकास आघाडीच्या शेतकरी परिवर्तन मंडळाने प्रथमत:च आव्हान दिले होते. मात्र त्यांच्या समर्थकांना हे आव्हान पेलता आले नाही.
मतदानानंतर लगेचच 15 जागांसाठीची मतमोजणी प्रक्रिया पार पडली. निकाल स्पष्ट झाल्यानंतर मतमोजणीस्थळी आलेल्या आलेल्या मंत्री विखे पाटील यांचे त्यांच्या समर्थकांनी फटाक्याची आतिषबाजी, गुलालाची उधळण करीत जोरदार स्वागत केले.
निवडणूक निकाल खालील प्रमाणे:-
सोसायटी सर्वसाधारण मतदार संघ:-
आण्णासाहेब भाऊसाहेब कडू – 649
विजय उर्फ राजेंद्र बाबुराव कातोरे – 635
संतोष लक्ष्मण गोर्डे – 639
दत्तात्रय विठ्ठलराव गोरे – 624
ज्ञानेश्वर गंगाधर गोंदकर – 646
ज्ञानदेव नारायण चौधरी – 638
बाबासाहेब पोपटराव शिरसाठ – 629 (सर्व विजयी जनसेवा मंडळ)
सार्थक सचिन कोते – 204
बाळासाहेब किसन खर्डे – 201
जगन्नाथ दादा गोरे – 204
बबन लक्ष्मण नळे – 200
उत्तमराव सावळेराम मते – 196
विठ्ठल कचरु शेळके – 201
नितीन विष्णुपंत शेळके – 198 (सर्व पराभुत महाविकास आघाडी.)
महिला मतदार संघ-
मिना भिमराज निर्मळ – 630
रंजना सोन्याबापु लहारे – 637 (दोन्ही विजयी जनसेवा मंडळ)
अनिता शरद गोर्डे – 225
लता वसंत चव्हाण – 220 (दोन्ही पराभुत महाविकास आघाडी)
इतर मागास प्रवर्ग-
दिलीप विश्वनाथ गाडेकर – 655 विजयी जनसेवा.
अण्णासाहेब बजाबा वाघे – 225 पराभुत महाविकास आघाडी.
विमुक्त जाती भटक्या विशेष मागास प्रवर्ग-
राजेंद्र भागवत धुमसे – 640 विजयी जनसेवा मंडळ.
सुनिल मुरलीधर थोरात – 242 पराभुत महाविकास आघाडी.
ग्रामपंचायत सर्वसाधारण मतदार संघ-
जालिंदर दगडू गाढवे – 447
राहुल मच्छिंद्र धावणे – 426 (दोघेही विजयी जनसेवा मंडळ)
विजय बबनराव चौधरी – 141)
शरद भाऊसाहेब भदे – 133 (दोघेही पराभुत महाविकास आघाडी)
भास्कर दामोधर मोटकर – 05 पराभुत अपक्ष.
अनुसुचित जाती जमाती मतदार संघ-
सुभाष तुकाराम गायकवाड – 458 विजयी जनसेवा मंडळ.
रमेश सिताराम बनसोडे – 135 पराभुत महाविकास आघाडी.
अर्थिकदृष्ट्या दुर्बल घटक मतदार संघ- शांताराम सोपानराव जपे – 437 विजयी जनसेवा मंडळ
श्रीकांत तान्हाजी मापारी – 162 पराभुत महाविकास आघाडी
बिनविरोध झालेले जनसेवाचे उमेदवार
बाबासाहेब कांदळकर (हमाल मापाडी मतदार संघ)
सचिन फकिरा कानकाटे व निलेश कानिफ बावके (व्यापारी मतदार संघ)
