संगमनेर (महाराष्ट्र संवाद न्यूज)
संगमनेर शहरातील ज्योतिष व पौरोहित्य क्षेत्रात गेल्या तीन दशकांपासून योगदान देणाऱ्या प्रमोद बेल्हेकर (गुरु) यांना बेंगलोरच्या ‘नॅशनल इन्स्टिट्युट फॉर सोशल इकॉनॉमिक डेव्हलपेंट’च्यावतीने ज्योतिष व रत्नशास्त्रातील योगदानासाठी ‘नॅशनल ॲस्ट्रोरत्न अवार्ड’ पुरस्कार प्रदान करण्यात आला.
नॅशनल इन्स्टिट्युट फॉर सोशल इकॉनॉमिक डेव्हलपेंटचे चेअरमन व भारत सरकारच्या नीती आयोगाचे सदस्य सनदी अधिकारी डॉ. शिवप्पा यांच्या हस्ते तसेच हिंदी व दक्षिणात्य चित्रपट निर्माते भोलाराम मालवीय यांच्या उपस्थितीत ए. डी. ए. रंगमंदिर, बेंगलुरू येथे रविवारी (ता. ६ मे) हा पुरस्कार वितरण सोहळा पार पडला.
प्रतिवर्षी विविध क्षेत्रात योगदान, सेवा देणाऱ्या मान्यवरांचा सन्मान ह्या संस्थेमार्फत केला जातो. बेल्हेकर गुरु म्हणून परिचित असणाऱ्या प्रमोद बेल्हेकर यांनी वाणिज्य शाखेतील पदव्यूत्तर शिक्षण (एमकॉम, जीडीसी अँड ए) घेतलेले असूनदेखिल पौरोहित्य व ज्योतिषशास्त्रात सेवा दिली. तब्बल 25-30 वर्षे ते ह्या क्षेत्रात कार्यरत आहेत. तसेच सामाजिक व धार्मिक कार्यात त्यांचा सक्रिय सहभाग असतो.
पुरस्काराबद्दल बेल्हेकर यांचे श्री शमी महागणपती भक्त परिवार, आमदार बाळासाहेब थोरात, आमदार सत्यजित तांबे, शिवसेना (ठाकरे) शहरप्रमुख अमर कतारी, माजी नगरसेवक किशोर पवार, मनसे शहराध्यक्ष अभिजित कुलकर्णी, युवक काँग्रेस शहराध्यक्ष निखिल पापडेजा, ब्राम्हण प्रतिष्ठानचे अध्यक्ष सुधाकर क्षीरसागर, अनिरुद्ध उपासनी आदीनी अभिनंदन केले आहे.
