महाराष्ट्र संवाद न्यूज
संगमनेर : संगमनेर वकील संघाचे विद्यमान अध्यक्ष ॲड. उदयसिंह जगन्नाथ ढोमसे पाटील यांना ‘एशिया इंटरनॅशनल रिसर्च युनिव्हर्सिटी बेंगलोर’ यांच्या वतीने देण्यात येणारी मानाची डॉक्टरेट पदवी प्राप्त झाली आहे. डॉक्टरेट मिळवणारे संगमनेर वकील संघाचे ते पाहिले वकील ठरले.
ॲड. उदयसिंह ढोमसे पाटील यांना कुलगुरू डॉ. अरुणकुमार, न्यायमूर्ती हरिदास व मान्यवरांच्या उपस्थितीत बंगलोर येथे आयोजित कार्यक्रमात त्यांना ही पदवी प्रदान करण्यात आली.
विद्यापीठाने त्यांना “स्वातंत्र्योत्तर काळातील सामाजिक स्थित्यंतरे” या विषयावरील लेखनासाठी डॉक्टरेट पदवीने सन्मानित केले. ढोमसे यांचा वकीलीबरोबर, पत्रकारितेतील अनुभव (Master In Journalism, Master In Political Science पदव्या) शेती विषयक वृत्तपत्रांचे योगदान तसेच दुग्ध उत्पादन वाढीबाबत त्यांनी पुणे विद्यापीठाकडे प्रबंध सादर केलेला आहे.
बंगलोर विद्यापीठाने ढोमसे यांच्या कामाची दखल घेत डॉक्टरेट पदवीने त्यांना सन्मानित केले. सदरची पदवी बहाल करताना उमेदवारांकडून तशा प्रकारच्या प्राथमिक चाचण्या घेतल्या जातात, तसेच संबंधित उमेदवाराचे सामाजिक जीवनातील काम गुप्त सर्वेच्याद्वारे तपासले जाते. त्यानंतर सदरची पदवी बहाल केली जाते.
ॲड. ढोमसे पाटील यांना ‘एशिया इंटरनॅशनल रिसर्च युनिव्हर्सिटी बेंगलोर’ यांच्या वतीने देण्यात येणारी मानाची डॉक्टरेट पदवी प्राप्त झाली, ही आपल्या सर्वासाठी सन्मानाची गोष्ट आहे.
अँड गोरक्ष कापकर.
