महाराष्ट्र संवाद न्यूज
संगमनेर – मुलींना आपलं सौंदर्य हे सर्वात प्रिय असतं. आपल्या सौंदर्यात कुठलीही कमतरता असू नये अशी त्यांची इच्छा असते, त्यात एखाद्या मुलीला आपल्या केसांवर असलेले प्रेम तर विचारायलाच नको असं असताना देखील संगमनेर येथील पुनम तुषार ओहरा यांनी आपले केस कॅन्सरग्रस्तांसाठी दान केले. कर्तव्यम फाउंडेशनच्या माध्यमातून हा उपक्रम करण्यात आला आहे.
ओहरा या कर्तव्यम फाऊंडेशचे संस्थापक अध्यक्ष तुषार ओहरा यांच्या पत्नी आहेत. त्या केंद्रीय लोकसेवा आयोगाची (युपीएससी) परीक्षा देत आहे. त्यांना सामजिक कार्याची आवड आहे. त्या सोशल मिडीयावर सोशल ॲक्टीव्हीटीचे व्हिडीओ बघत असताना त्यांना एक व्हिडीओ दिसला की, ज्यात एक मुलगी आपले संपुर्ण केस हे कॅन्सर पिडीतासाठी दान करते. त्यात त्या संस्थेचे नावं सुद्धा होते.
पुनम यांनी याबद्दलची सर्व माहिती काढत ठरविले की, आपन सुद्धा कॅन्सर पिडीतांना फुल न फुलाची पाकळी अशी मदत करु. त्यांनी यानंतर या संस्था प्रमुखांशी संवाद साधला. कॅन्सरच्या या आजारामुळे ज्या व्यक्तींचे केस जातात त्यांना कृत्रिम केस लावले जाऊ शकतात, त्यासाठी केस दान केले जाऊ शकतात, असं त्यांना कळालं. ही माहिती मिळताच त्यांनी आपल्या डोक्यावरील केस दान करण्याचा निर्णय घेतला.
ज्या वयात मुली आपलं सौंदर्य जपतात, त्याच वयात त्यांनी आपल्या सौंदर्याचा विचार न करता आपले केस दान केले. त्यांच्या या निर्णयाचं सर्व स्तरातून स्वागत होत आहे.
कॅन्सरग्रस्त रुग्णांसाठी आपण काहीतरी केले पाहिजे ही भावना माझ्या मनात होती. एके दिवशी सोशल मीडियावर व्हिडिओ पाहत असताना कॅन्सरग्रस्त रुग्णांचे हाल मला बघावले गेले नाही. त्यामुळे माझ्या लग्नाच्या दुसऱ्या वाढदिवसानिमित्त मी कॅन्सरग्रस्ताना माझे केस दान केले आहे…. पुनम ओहरा, संगमनेर 
कर्तव्यम फाउंडेशन नेहमीच सामाजिक कार्य करत असते. माझी पत्नी पुनम हिने कॅन्सरग्रस्तांना केस दान करण्याचा निर्णय घेतला. हा निर्णय स्वागतार्ह आहे. त्यामुळे यापुढे आता कॅन्सरग्रस्तांसाठी कर्तव्य फाउंडेशन काम करेल…. तुषार ओहरा, संस्थापक – कर्तव्यम फाउंडेशन, संगमनेर.
