महाराष्ट्र संवाद न्यूज
संगमनेर – शिक्षण घेणाऱ्या अल्पवयीन मुलीशी मैत्री करत तिच्यावर वारंवार अत्याचार प्रकरणी पोलिसांनी आणखी एका सह आरोपी असलेल्या कॅफे मॅझिकच्या मालकाला अटक केली असून त्याला न्यायालयाने दोन दिवसाची पोलीस कोठडी दिली आहे.
कन्हैया दिलीप सोनवणे (वय 27 वर्षे, रा. काझीगढी, शितलादेवी मंदिर, अमरधाम रोड नाशिक, हल्ली रा. कासारवाडी रोड, संगमनेर ता. संगमनेर) असे पोलिसांनी अटक केलेल्या आरोपीचे नाव आहे.
संगमनेर शहरालगत राहावयास असलेल्या एका अंदाजे १७ वर्षे वयाच्या मुलीवर संगमनेर, शिर्डी, पेमगिरी, विठ्ठल कडा, कऱ्हे घाट येथे आशिष नानासाहेब राऊत (वय २० वर्ष) व किरण सोपान राऊत (वय ३० वर्ष, दोघे रा. मालुंजकर मळा, घुलेवाडी, ता. संगमनेर, जि. अहमदनगर) या दोघांनी वारंवार अत्याचार केल्याचा प्रकार समोर आला होता. पीडित मुलीच्या तक्रारीवरून संगमनेर शहर पोलिसांनी गुन्हा दाखल केला होता.
याप्रकरणी पोलिसांनी आतापर्यंत आशिष नानासाहेब राऊत, किरण सोपान राऊत या दोन प्रमुख आरोपींसह त्यांना सहाय्य करणाऱ्या लॉज चालक ज्ञानेश्वर किसन क्षीरसागर, आकाश भास्कर बोंडारे, राहुल गौतम भालेराव या पाच जणांना अटक केली होती. यातील सोनवणे या सहाव्या आरोपीलाही अटक करण्यात आली असून आणखी दोघा आरोपींचा शोध बाकी आहे.
सरकारी वकिलांचा न्यायालयासमोर केलेला युक्तिवाद ऐकल्यानंतर दोन दिवसांची पोलीस कोठडी दिली.
