गोवंश कत्तलीसाठी कत्तलीसाठी वापरली जाणारी पत्र्याचे शेड केली नेस्तनाबूत!
महाराष्ट्र संवाद न्यूज
संगमनेर – गेल्या काही दिवसांपासून संगमनेरच्या पोलीस उपाधीक्षकांनी लक्ष घातलेले बेकायदेशीर कत्तलखाने आता चोरी-चुपके सुरू आहेत. अशाच एका कत्तलखान्यावर बुधवारी पोलिस उपाधीक्षक सोमनाथ वाकचौरे यांच्या पथकाने कारवाई केली. या कारवाईत गोवंश जनावरांची मोठ्या प्रमाणात कत्तल केल्याचे पोलिसांना आढळून आले. तब्बल तीन हजार किलो गोवंश जनावरांच्या कत्तल केलेल्या मांसासह सुमारे सात लाख रुपयांचा मुद्देमाल या कारवाईत हस्तगत करण्यात आला असून तीन जणांविरोधात गुन्हा दाखल करण्यात आला आहे. तसेच कत्तलीसाठी वापरली जाणारी पत्र्याची शेड प्रथमत:च या कारवाईमध्ये नेस्तनाबूत करण्यात आली आहे.
पोलिसांच्या शेकडो कारवायानंतर देखील सुरू संगमनेर मधील कत्तलखाने सुरूच असल्याचे या कारवाईतून पुन्हा एकदा स्पष्ट झाले आहे. कत्तलखाने बंद करण्यासाठी पोलिसांनी या ठिकाणी बंदोबस्त देखील तैनात केला असताना पोलिसांची नजर चुकवून हे कत्तलखाने चोरी चुपके सुरू असल्याचे दिसते. संधी मिळताच अवघ्या तास-दोन तासाच्या कालावधीत मोठ्या प्रमाणात जनावरांची कत्तल होते. उत्तर नगर जिल्ह्याच्या रात्रगस्तीवर असलेल्या पोलीस उपाधीक्षक सोमनाथ वाघचौरे यांना गुरुवारी पहाटे जमजम कॉलनी येथील कत्तलखान्यात गोवंश जनावरांची कत्तल सुरू असल्याची माहिती मिळाली होती.
वाकचौरे यांनी ही माहिती तातडीने गस्तीवरील प्रशिक्षणार्थी पोलीस उपाधीक्षक शिरीष वमने, आरटीपीसी पोलीस नाईक अनिल कडलक व शामराव सुखदेव असे यांना देत छापा मारण्यास सांगितले. या पथकाने शहर पोलीस ठाण्याचे पोलीस उपनिरीक्षक सुनील माळी व विठ्ठल पवार यांच्यासह वैद्यकीय अधिकारी व अन्य पोलीस कर्मचाऱ्यांना सोबत घेत पहाटे साडेपाच वाजण्याच्या सुमारास जमजम कॉलनीत माहिती मिळालेल्या ठिकाणी छापा टाकला असता तेथे MH 04 AW 3164 या ओमनी कारमध्ये 1100 किलो गोवंश जनावरांचे कत्तल केलेले गोमांस आढळून आले.
पोलीस पथकाने छापा टाकल्याचे दिसतात ओमनी कार चालक, जवळच्या पत्र्याच्या शेडचा मालक, जागा मालक पळून गेले. कारवाईदरम्यान पोलीस पथकाला सरकार लॉन्स जवळील एका निळ्या रंगाच्या पत्र्याच्या शेडमध्ये चार लाख रुपये किमतीचे गोवंश जनावराचे कत्तल केलेले गोमांस आढळून आले. पोलिसांनी या कारवाईत ओमनी कारसह एकूण 6 लाख 70 हजार रुपयांचा मुद्देमाल हस्तगत केला आहे.
याप्रकरणी पोलीस नाईक शामराव हासे यांनी शहर पोलीस ठाण्यात दिलेल्या फिर्यादीवरून नवाज कुरेशी, जब्बार पटेल, वाहिद कुरेशी (तिघेही रा. संगमनेर, ता. संगमनेर, जि. अहमदनगर) या तिघा जणांविरोधात भारतीय दंड विधान कलम 269, 429 सह महाराष्ट्र पशु संरक्षण अधिनियम 1955 चे कलम 5(क), 9(अ) प्रमाने गुन्हा दाखल करण्यात आला आहे. पुढील तपास संगमनेर शहर पोलीस करीत आहे.
