महाराष्ट्र संवाद न्यूज नेटवर्क
अवघ्या 18 जणांच्या साक्षीने प्रबोधनकारांच्या खोलीमध्ये शिवसेनेची स्थापना झाली. मराठी माणसाचे हित जोपासण्यासाठी स्थापन झालेल्या या शिवसेनेची पाळेमुळे महाराष्ट्रभर रुजली आहे. शिवसेनेच्या जोरावर मोठी पदे मानसन्मान मिळविणाऱ्या अनेकांनी शिवसेना सोडत तिला कमकुवत करण्याचे प्रयत्न केले, मात्र प्रत्येक वेळी शिवसेना नव्या जोमाने उभी राहिल्याचे चित्र आहे. हिंदू हृदय सम्राट बाळासाहेब ठाकरे हा या शिवसेनेचा आत्मा राहिला आहे.
सामाजिक संघटना ते राजकीय पक्ष या शिवसेनेच्या इतिहासाचे अनेक जण साक्षीदार आहेत. शिवसेनाप्रमुख बाळासाहेब ठाकरे आज हयात नसले तरीदेखील याच नावाभोवती समाजकारणच नाही तर सत्ताकारणही केंद्रीभूत झाल्याचे दिसते. दहा वर्षानंतर देखील या नावाची जादू अद्यापही ओसरली नाही उलट, हे नाव तळपत्या सूर्यप्रकाशाप्रमाणे राजकीय पटलावर उमटू लागले आहे.
या पार्श्वभूमीवर शिवसेनाप्रमुख हिंदू हृदय सम्राट बाळासाहेब ठाकरे यांच्या आठवणी जागवत महिला आघाडी, युवा सेना आणि शिवसेनेच्या अंगीकृत संघटनांसह संगमनेर शहर व तालुका शिवसेना उद्धव बाळासाहेब ठाकरे पक्षाने स्वर्गीय बाळासाहेब ठाकरे यांच्या स्मृतीस अभिवादन केले.
यावेळी नागपूरचे संपर्कप्रमुख नरेश माळवे, उपजिल्हाप्रमुख मुजीबभाई शेख, तालुकाप्रमुख भाऊसाहेब हासे, शहर प्रमुख अमर कतारी, उपशहर प्रमुख दीपक वन्नम व विकास डमाळे, सुदर्शन इटप, कार्याध्यक्ष दीपक साळुंके, युवासेना जिल्हाप्रमुख अमित चव्हाण, शहर प्रमुख अमोल डुकरे, अक्षय बिल्लाडे, संभव लोढा, अक्षय गाडे, गोविंद नागरे, वैभव अभंग, अक्षय गुंजाळ, सचिन पावबाके, निलेश गुंजाळ, संकेत खुळे, पठार भागातील ज्येष्ठ शिवसैनिक रंगनाथ फटांगरे, युवा सेना तालुकाप्रमुख योगेश खेमनर, विधानसभा प्रमुख राजाभाऊ सातपुते, अक्षय गाडे, लक्ष्मण सोनार, निलेश रहाणे, शिवसेना शाखाप्रमुख अजीज मोमीन, विद्यार्थी सेनेचे सचिन साळवे, कार्यालयीन प्रमुख बंडू म्हाळस, भगवान पोपळघट, माधव फुलमाळी, बढे, भांडकर, महिला आघाडीच्या सुरेखा गुंजाळ, आशा केदारी, संगीता गायकवाड आदी यावेळी उपस्थित होते.
80 टक्के समाजकारण आणि 20 टक्के राजकारण असा समाजसेवेचा मूलमंत्र देणाऱ्या बाळासाहेब ठाकरे यांच्या आठवणी उपस्थितांपैकी अनेकांनी आपल्या भाषणातून जागविल्या. शिवसेना शहर कार्यालयात झालेल्या या अभिवादन सभेत ठाकरे यांच्या प्रतिमेस पुष्पहार अर्पण करण्यात आले. ठाकरे यांच्या निनादात परिसर गजबजून गेला होता.
