महाराष्ट्र संवाद न्यूज ऑनलाईन-
संगमनेर तालुक्यातील रायतेवाडी येथे सामाजिक एकोपा आणि परंपरा जपणाऱ्या सामुदायिक तुळशी विवाह सोहळ्याचे मोठ्या उत्साहात आयोजन करण्यात आले. या सोहळ्याला परिसरातील ग्रामस्थ आणि विविध क्षेत्रातील मान्यवरांनी मोठी उपस्थिती लावून नवदांपत्यांसह आयोजकांना शुभेच्छा दिल्या.
या मंगलमय सोहळ्यासाठी पदवीधर मतदारसंघाचे आमदार सत्यजीत तांबे, आमदार अमोल खताळ यांच्या पत्नी नीलमताई खताळ, संगमनेर महाविद्यालयाचे माजी उपप्राचार्य भगवान जोशी, लीनाताई क्षत्रिय, मालपाणी उद्योग समूहाचे रमेश घोलप, माजी सरपंच तानाजी आहेर, किशोर बांगर, मनोज बांगर आणि पत्रकार सुशांत पावसे आदी मान्यवर उपस्थित होते.
सामुदायिक विवाहाच्या माध्यमातून होणारा खर्चाचा ताळमेळ साधत सामाजिक बांधिलकी जपण्याचा हा उपक्रम ग्रामस्थांसाठी प्रेरणादायी ठरला. पारंपरिक वेशभूषा, मंगल वाद्यांचा गजर आणि उत्साही वातावरणात पार पडलेल्या या सोहळ्याचे सर्वत्र कौतुक होत आहे.






