महाराष्ट्र संवाद न्यूज
युवक काँग्रेसचे प्रदेशाध्यक्ष सत्यजित तांबे अनुवादित ‘सिटीझनविल’ या मराठी पुस्तकाचा प्रकाशन सोहळा बुधवारी 7 डिसेंबरला साडेतीन वाजता मुंबईमध्ये होत आहे.
अमेरिकेतील कॅलिफोर्नियाचे गव्हर्नर गॅविन न्यूसम यांनी ‘सिटीझनविल’ हे पुस्तक लिहिले असून या पुस्तकाचा युवक काँग्रेसचे माजी प्रदेशाध्यक्ष सत्यजित तांबे यांनी मराठीमध्ये अनुवाद केला आहे. प्रकाशनापूर्वीच तांबे यांनी अनुवादित केलेले हे पुस्तक बहुचर्चित ठरले आहे.
पुण्याच्या अमेय प्रकाशनच्या माध्यमातून हे पुस्तक प्रकाशित होत आहे. वाढती लोकसंख्या आणि त्यामुळे वाढणारा पायाभूत सुविधांवरील ताण कमी करण्यासाठी शहरांचा विकास नियोजनबद्ध रीतीने होणे गरजेच झालंय, किंबहुना ती काळाची गरजच बनली. ही नियोजनबद्धता आणण्यासाठी हवा असतो एक वेगळा दृष्टिकोन, इच्छाशक्ती आणि प्रामाणिक प्रयत्न.
अमेरिकेतील कॅलिफोर्निया राज्याचे गव्हर्नर आणि जगातील एक प्रगतशील असलेल्या सनफ्रान्सिसको शहराचे माजी महापौर गॅविन न्यूसम यांनी ही इच्छाशक्ती दाखविली. आपल्या महापौर पदाच्या काळात त्यांनी तंत्रज्ञान आणि लोकसहभाग यांचा मेळ घालत सनफ्रान्सिसको शहराचा कायापालट घडवून आणला. हे सर्व त्यांनी कसं घडवून आणलं. त्यांच्या याच नवनवीन विकास प्रयोगांची माहिती देणाऱ्या ‘सिटीजनविल’ या पुस्तकाचा सत्यजित तांबे यांनी मराठीमध्ये अनुवाद केला आहे.
तांबे यांनी मराठीत अनुवादित केलेले हे पुस्तक अमेय प्रकाशने प्रकाशित केले असून प्रकाशनापूर्वीच बहुचर्चित ठरलेल्या या पुस्तकाच्या प्रकाशनाकडे वाचकांचे लक्ष लागले होते.
बुधवारी मुंबईत या पुस्तकाचा प्रकाशन सोहळा मान्यवरांच्या उपस्थितीत होत आहे.
📖 पुस्तक प्रकाशन सोहळा 📖
अमेरिकेतील कॅलिफोर्नियाचे गव्हर्नर मा. गॅविन न्यूसम लिखित 'सिटिझनविल' या पुस्तकाचा मी मराठीत अनुवाद केलेल्या पुस्तकाचा प्रकाशन सोहळा !
🗓️ 7 डिसेंबर 2022 रोजी
🕓 दुपारी 3:30 वाजता
📍 मुंबई@GavinNewsom #Citizenville #Booklaunchevent pic.twitter.com/84sF5GYn8S— Satyajeet Tambe (@satyajeettambe) December 1, 2022
