महाराष्ट्र संवाद न्यूज नेटवर्क
संगमनेर : पुरोगामी विचारांचे पाईक, जयहिंद लोक चळवळीचे संस्थापक, नाशिक पदवीधर मतदारसंघाचे विद्यमान आमदार डॉ. सुधीर तांबे यांचा वाढदिवस १७ जानेवारीला आहे. पुस्तक प्रेमी असलेले तांबे यांचा वाढदिवस पुस्तक मैत्री दिन म्हणून साजरा केला जाणार आहे.
तांबे यांच्या वाढदिवशी कोणत्याही प्रकारचे हार तुरे न आणता सामाजिक जाणीवेतून नागरिक व कार्यकर्त्यांनी पुस्तके भेट देऊन हा दिवस पुस्तक मैत्री दिन म्हणून वाढदिवस साजरा करण्याचे आवाहन जयहिंद युवा मंचच्यावतीने करण्यात आले आहे.
संगमनेरचे नगराध्यक्ष, जिल्हा काँग्रेसचे कार्याध्यक्ष, विधान परिषद गटनेते अशा विविध जबाबदाऱ्या पार पडत नाशिक पदवीधर मतदारसंघाचे विद्यमान आमदार असलेल्या तांबे यांच्या नेतृत्वात, आमदार बाळासाहेब थोरात यांच्या मार्गदर्शनाखाली जयहिंद युवा मंचच्या माध्यमातून राज्यभर युवकांची मोठी फळी निर्माण झाली आहे.
त्यांनी सातत्याने सामाजिक उपक्रम राबविले. अंध, अपंग, मुकबधीर, आदिवासी विद्यार्थ्यांसाठी काम केले. नेता नव्हे मित्र अशी ओळख आपल्या कार्य कर्तुत्वातून त्यांनी निर्माण केली. म्हणून पुस्तकप्रेमी असलेल्या आ. डॉ. तांबे यांचा वाढदिवस पुस्तक मैत्रीदिन म्हणून साजरा करण्यात येत आहे.
हार, गुच्छ, शाल व फेटे यांचा काहीही उपयोग होत नाही. मात्र पुस्तकांचा सामाजिक उपक्रमांसाठी उपयोग होतो. शहरातील व तालुक्यातील ग्रंथालये, शाळा यांना ही पुस्तके भेट म्हणून देता येवू शकतील. डॉ. तांबे यांच्या वाढदिवसास त्यांना पुस्तक भेट दिल्यास त्यांच्या सामाजिक उपक्रमांना आणखी चालना मिळेल.
तरी वाढदिवसानिमित्त नागरीकांनी शुभेच्छा देण्यासाठी हार, तुरे, बुके, भेटवस्तु न आणता पुस्तक भेट देवून पुस्तक मैत्री दिन म्हणून साजरा करावा, असे आवाहन जयहिंद युवा मंचच्या वतीने करण्यात आले आहे.
