महाराष्ट्र संवाद न्यूज नेटवर्क
संगमनेर : संगमनेरमध्ये ‘बाळासाहेबांची शिवसेना’ पक्षाने सोमवारी सकाळी बसस्थानक चौकात शिवसेनाप्रमुख, हिंदू हृदय सम्राट बाळासाहेब ठाकरे यांच्या जयंतीनिमित्त त्यांच्या प्रतिमेस अभिवादन केले.
शिर्डी लोकसभा मतदारसंघाचे खासदार सदाशिव लोखंडे व जिल्हाप्रमुख राजेंद्र देवकर यांच्या मार्गदर्शनाखाली बस स्थानकाच्या प्रवेशद्वारात ठाकरे यांची मोठे प्रतिमा लावण्यात आली होती. शिवसेनेमध्ये झालेल्या ऐतिहासिक बंडानंतर मुख्यमंत्री एकनाथ शिंदे यांच्या नेतृत्वाखाली सर्वत्र शिवसेनाप्रमुख बाळासाहेब ठाकरे यांची जयंती मोठ्या उत्साहात साजरी करण्यात येत आहे. या पार्श्वभूमीवर संगमनेरमध्येही मोठ्या उत्साहात ही जयंती साजरी करण्यात आली.
यावेळी बोलताना तालुकाप्रमुख रमेश काळे म्हणाले, राज्याचे मुख्यमंत्री एकनाथ शिंदे यांच्या आदेशावरून तसेच शिर्डी लोकसभेचे खासदार सदाशिव लोखंडे आणि जिल्हाप्रमुख राजेंद्र देवकर यांनी विश्वास दर्शवत माझी बाळासाहेबांची शिवसेना पक्षाच्या तालुकाप्रमुखपदी निवड केली. आज जयंती निमित्त झालेली गर्दी त्यांच्यावरील विश्वासाचे प्रतीक आहे. या विश्वासाला तडा जाऊ दिला जाणार नाही. यापुढील काळात एक विचाराने आणि एक दिलाने पक्ष वाढीसाठी काम केले जाईल.
यावेळी जिल्हा समन्वयक विठ्ठल घोरपडे, महिला आघाडी जिल्हाप्रमुख कावेरी नवले, किसान सभेचे जिल्हाप्रमुख रामभाऊ राहणे, मागासवर्गीय जिल्हाप्रमुख सोमनाथ भालेराव, उपजिल्हाप्रमुख रणजीत ढेरंगे, राजू सोनवणे, शहर प्रमुख विकास भरीतकर, महिला आघाडी शहर प्रमुख वैशाली तारे, युवा सेना शहर प्रमुख शंकर मुर्तडक, युवा सेना उपशहर प्रमुख विनोद सूर्यवंशी, मागासवर्गीय सेल तालुकाप्रमुख राहुल पवार, उप तालुकाप्रमुख सोमनाथ गोडगे, वाहतूक सेना शहर प्रमुख परवेज शेख, उप तालुका प्रमुख विकास पवार, अल्पसंख्यांक शहर प्रमुख परवेज शेख, लल्लू कुरेशी, मधुसूदन दिंडे, बाळासाहेब व्यवहारे, श्याम राहणे, अमोल रणाते आदी उपस्थित होते.
