महाराष्ट्र संवाद न्यूज नेटवर्क
पारनेर
अहमदनगर जिल्हा मध्यवर्ती सहकारी बँकेचे अध्यक्ष, जी एस महानगर बँकेचे अध्यक्ष एडिशनल उदय गुलाबराव शेळके (वय ४५ वर्ष) यांचे मुंबईत अल्पशा आजाराने शनिवारी निधन झाले. शेळके यांच्या रूपाने सहकार क्षेत्रातील एक दिग्गज व्यक्तिमत्त्व हरपले आहे.
शेळके यांना काही दिवसांपूर्वी हृदयविकाराचा झटका आला होता. त्यांच्यावर पुणे येथील रुग्णालयात उपचार केल्यानंतर त्यांना पुढील उपचारासाठी नेण्यात आले होते. त्यातच त्यांना ब्रेन स्ट्रोकचा झटका आल्याने शेळके यांच्यावर मुंबईचा लीलावती रुग्णालयात उपचार सुरू होते. गेल्या पाच महिन्यापासून ते बेशुद्ध अवस्थेत होते. शनिवारी रुग्णालयातच त्यांनी अखेरचा श्वास घेतला. पारनेर तालुक्यातील जलसेन पिंपरी येथील रहिवासी असलेले शेळके सहकारातील दिग्गज नेते म्हणून ओळखले जात होते.
त्यांच्या पश्चात पत्नी आई दोन मुली असा परिवार असून रविवारी त्यांच्या पारनेर तालुक्यातील मूळ गावी पिंपरी जलसेन येथे सकाळी ११ वाजता अंत्यविधी होणार आहे.
राज्याचे माजी मंत्री आमदार बाळासाहेब थोरात यांनी ट्विटर द्वारे शेळके यांच्या निधनाचे वृत्त देत त्यांना श्रद्धांजली वाहिली. थोरात म्हणाले, सहकार आणि बँकींग क्षेत्रात अतुलनीय योगदान देणारे अहमदनगर जिल्हा सहकारी मध्यवर्ती बँकेचे विद्यमान अध्यक्ष तसेच सॉलिसिटर गुलाबराव शेळके (जी एस) महानगर बँकेचे अध्यक्ष उदय गुलाबराव शेळके यांच्या निधनाचे वृत्त अत्यंत दुखःद आहे. कायद्याचे ज्ञान असलेल्या उदय शेळके यांनी त्यांना मिळालेली प्रत्येक संधी सक्षमपणे सांभाळली. समग्र सहकार चळवळ त्यांच्यात एक समर्थ नेतृत्व बघत होती. त्यांना माझी भावपूर्ण श्रद्धांजली!
सहकार आणि बँकींग क्षेत्रात अतुलनीय योगदान देणारे अहमदनगर जिल्हा सहकारी मध्यवर्ती बँकेचे विद्यमान अध्यक्ष तसेच सॉलिसिटर गुलाबराव शेळके महानगर बँकेचे अध्यक्ष श्री. उदय गुलाबराव शेळके यांच्या निधनाचे वृत्त अत्यंत दुखःद आहे. त्यांना माझी भावपूर्ण श्रद्धांजली! pic.twitter.com/49i4M7AFLw
— Balasaheb Thorat (@bb_thorat) February 11, 2023
