महाराष्ट्र संवाद न्यूज नेटवर्क
नगर
सीए शंकर अंदानी यांना अमेरिकेच्या राष्ट्राध्यक्ष कार्यालयाचा आंतरराष्ट्रीय उत्कृष्ट सेवा पुरस्कार प्राप्त झाला आहे.
युनायटेड नेशन अमेरिका राष्ट्राध्यक्ष कार्यालय ही जगातील सर्वोच्च संस्था आहे. अमेरिकेचे राष्ट्रीय अध्यक्ष हे या संस्थेचे प्रमुख आहेत. जगातील सर्व स्तरातील उत्कृष्ट कार्य व सेवा करणाऱ्या अत्यंत मोजक्या व ठराविक व्यक्तींनाच हे कार्यालय मानाचा पुरस्कार देवून सन्मानित करत असते. यासाठी पुरस्कारार्थीचे कार्य व कामकाजाची पूर्ण छाननी व तपासणी करते.
सीए शंकर अंदानी यांनी जगातील २५१ सामाजिक संस्था, मंदिर, चर्च व दर्गा यांचे कर सल्लागार व लेखा परीक्षक म्हणून योग्य पद्धतीने काम केले आहे. सेवा जात व धर्मा पलीकडे जावून ही जागतिक मानव केल्या मुळे अमेरिकेचा मानाचा पुरस्कार त्यांना देण्यात आला आहे. हा आंतरराष्ट्रीय पुरस्कार प्राप्त होणारे सीए शंकर अंदानी हे नगर जिल्ह्यातील पहिले सीए आहेत.
जगातील सर्व मानव जाती व धर्मामध्ये एकोपा व सेवा वाढावी, त्याचे योग्य नियोजन होण्यासाठी सदर पुरस्कार दिला जाते. या वर्षी संपूर्ण जगातून अंदाजे ५००० अर्ज सदर कार्यालयात आले होते.
अंदानी हे मागील १४ वर्षांपासून लेखा परीक्षक व कर सल्लागार म्हणून काम करत आहेत. ते शिर्डीच्या श्री साईबाबा संस्थान ट्रस्ट तसेच अहमदनगर महानगर पालिका व अनेक राष्ट्रीयकृत बँकांचे लेख परीक्षक व कर सल्लागार आहेत.
पुरस्काराबद्दल त्यांचे खा. सदाशिव लोखंडे, माजी आ. अरुण जगताप, आ. संग्राम जगताप, आ. निलेश लंके, महापौर रोहिणी शेंडगे, माजी महापौर भगवान फुलसौंदर, बाबासाहेब वाकळे, नगरसेवक बाळासाहेब बोराटे, अविनाश घुले यांच्यासह अनेकांनी अभिनंदन केले आहे.
