महाराष्ट्र संवाद न्यूज
संगमनेर
सजीव सृष्टीच्या रक्षणासाठी स्वातंत्र्यसेनानी, सहकार महर्षी भाऊसाहेब थोरात यांनी वयाच्या ८४ व्या वर्षी सुरु केलेल्या दंडकारण्य अभियानासह राज्यातील चौदा संस्था, व्यक्तींचा “सहकार महर्षी भाऊसाहेब थोरात पर्यावरण संवर्धन” पुरस्काराने पुण्यामध्ये गौरव करण्यात आला आहे.
थोरात यांनी सुरू केलेले दंडकारण्य अभियान पर्यावरणाच्या दृष्टीने लोक चळवळ ठरले असून या अभियानाची दखल जागतिक स्तरावर युनोने देखील घेतली आहे. पुण्याच्या हरित मित्रपरिवार, गुरुकृपा संस्था, आकाशवाणी व दूरदर्शन केंद्र यांच्यावतीने “सहकारमहर्षी भाऊसाहेब थोरात यांच्या नावाने राज्यस्तरीय पुरस्कार” दिले जात असून नुकताच हा सोहळा पुण्यामध्ये पार पडला आहे. पर्यावरण आणि संवर्धन क्षेत्रात काम करणाऱ्या विविध चौदा संस्थांना यावेळी सन्मान चिन्ह व प्रशस्तीपत्र देऊन गौरविण्यात आले.
यावेळी हरित मित्र संस्थेचे अध्यक्ष डॉ. महेंद्र घागरे, प्रशांत थोरात, कोल्हापूर परिक्षेत्राचे पोलीस महानिरीक्षक सुनील फुलारी, आकाशवाणीचे गडवाल, आकाशवाणीचे उपसंचालक इंद्रजीत बागुल व अप्पर प्रधान मुख्य वनसंरक्षक विवेक खांडेकर आदी उपस्थित होते.
दंडकारण्य अभियानासह या अभियानाचे समन्वयक बाळासाहेब उंबरकर आणि आदिवासी सेवक, प्रा. बाबा खरात यांचा देखील या पुरस्काराने गौरव करण्यात आला आहे. उंबरकर, खरात यांच्यासह बाळासाहेब आंबेडकर एस. एम. खेमनर यांनी हे पुरस्कार स्वीकारले.
पुरस्कारांबद्दल विधिमंडळ पक्षनेते आमदार बाळासाहेब थोरात, माजी आमदार डॉ. सुधीर तांबे, आमदार सत्यजित तांबे, माजी नगराध्यक्ष दुर्गाताई तांबे, कॅन्सर तज्ञ डॉ. जयश्री थोरात, दूध संघाचे अध्यक्ष रणजितसिंह देशमुख आदींसह विविध पदाधिकाऱ्यांनी अभिनंदन केले.
यांचा झाला सहकारमहर्षी भाऊसाहेब थोरात पर्यावरण संवर्धन पुरस्काराने गौरव…
○ सुनील बळीराम फुलारी, इन्स्पेक्टर जनरल ऑफ पोलीस कोल्हापूर परिक्षेत्र.
○ एम. श्रीनिवास राव, व्यवस्थापकीय संचालक, महाराष्ट्र बांबू मंडळ, नागपूर.
○ जय हिंद लोक चळवळ संचलित दंडकारण्य अभियान, संगमनेर.
○ बाळासाहेब दशरथ उंबरकर, कार्यक्रम समन्वयक, दंडकारण्य अभियान, संगमनेर.
○ प्रा. बाबा खरात, संगमनेर
○ प्रा. डॉ. तुकाराम शिंदे, ए. आर. बुर्ला महिला महाविद्यालय, सोलापूर.
○ प्रा. डॉ. दयानंद पांडुरंग गोगले, राष्ट्रसंत तुकडोजी महाराज नागपूर विद्यापीठ, नागपूर.
○ मनोज बन्सीलाल टावरी, अध्यक्ष, रेनबो ग्रीनर्स, नागपूर.
○ पातोंडा परिसर विकास संस्था, पातोंडा, जळगाव.
○ अनंत रामचंद्र घरत, संपादक – पाक्षिक पर्यावरण निर्णय, पुणे.
○ गौरी नरेंद्र लागू, आकाशवाणी, पुणे.
○ अशोक विठ्ठल काळभोर, पिंपरी चिंचवड, पुणे.
○ श्रीकृष्ण मंडळ ट्रस्ट, खंडुजीबाबा चौक, डेक्कन जिमखाना, कर्वे रोड कॉर्नर, पुणे.
○ विकास मच्छिंद्र म्हस्के, प्राणी मित्र व पर्यावरण संवर्धक, लोणी, ता. राहाता, जि. अहमदनगर.
○ कार्यक्रमातील सूत्रसंचालन, निवेदन आणि वक्तृत्व यासाठी विशेष पुरस्कार निकिता ज्ञानेश्वर घुमरे, रयत शिक्षण संस्थेचे न्यू इंग्लिश स्कूल, सांगवी, पो. सोमठाणे, ता. सिन्नर, जि. नाशिक.
