महाराष्ट्र संवाद न्यूज
संगमनेर : नाशिकच्या नवरचना माध्यमिक विद्यालयातील संस्कृत विभागप्रमुख आणि संगमनेर स्वायत्त महाविद्यालयाच्या संस्कृत संशोधन केंद्रातील विद्यार्थिनी शकुंतला मुदलियार यांना सावित्रीबाई फुले पुणे विद्यापीठाने पीएचडी पदवी प्रदान केले आहे. त्यांनी संगमनेर महाविद्यालयाच्या संस्कृत विभागातील माजी विभाग प्रमुख डॉ. रुपाली कापरे यांच्या मार्गदर्शनाखाली ही पदवी प्राप्त केली.
याबद्दल शकुंतला मुदलियार यांचे संगमनेर महाविद्यालयाचे प्राचार्य प्रोफेसर डॉ. अरुण गायकवाड यांनी पुष्पगुच्छ देत अभिनंदन केले. यावेळी महाविद्यालयाचे उपप्राचार्य डॉक्टर रवींद्र तासिलदार, बी.एड. महाविद्यालयाचे प्राचार्य डॉ. भावे, श्रमिक कनिष्ठ महाविद्यालयाचे पर्यवेक्षक प्रा. आप्पासाहेब गुंजाळ, महाविद्यालयाचे कुलसचिव संतोष फापाळे आदींसह प्राध्यापक उपस्थित होते.
प्रोफेसर गायकवाड म्हणाले, शकुंतला मुदलियार यांनी विद्यार्थी दशक संगमनेर महाविद्यालयात कमवा आणि शिका योजनेतून काम करत अत्यंत प्रतिकूल परिस्थितीमध्ये आपले शिक्षण पूर्ण केले आहे. संगमनेरच्या संग्राम मूकबधिर निवासी विद्यालयात त्यांच्या सेवेला सुरुवात झाली. आता त्या नाशिकच्या नवरचना विद्यालयात गेल्या 28 वर्षांपासून संस्कृत विभाग प्रमुख म्हणून काम करत आहेत. दरम्यान त्यांनी महाविद्यालयातील तत्कालीन संस्कृत विभाग प्रमुख डॉ. विमल लेले, डॉ. रूपाली कापरे यांच्या मार्गदर्शनाखाली पीएचडी पदवी प्राप्त केल्याचे ते म्हणाले.
मुदलियार म्हणाल्या, पीएचडी पदवी मिळविण्यासाठी सेवेच्या कालावधीत संस्थेचे प्रशासन, संगमनेर महाविद्यालयाचे प्राचार्य डॉ. अरुण गायकवाड, माजी विभाग प्रमुख डॉ. रवींद्र मुळे, डॉ. रुपाली कापरे, सध्याचे संस्कृत विभाग प्रमुख डॉ. अनिरुध्द मंडलिक आदींच्या सहकार्यातून हे यश मिळाले.
मुदलियार यांचे शिक्षण प्रसारक संस्थेचे अध्यक्ष प्रकाश क्षत्रिय, कार्याध्यक्ष डॉ. संजय मालपाणी, सचिव डॉ. अनिल राठी, जनरल सेक्रेटरी सीए नारायण कलंत्री, खजिनदार राजकुमार गांधी आदींनी अभिनंदन केले.
