महाराष्ट्र संवाद न्यूज
संगमनेर – सावित्रीबाई फुले पुणे विद्यापीठाच्या वाणिज्य व व्यवस्थापन विद्या शाखेअंतर्गत संगमनेर येथील ज्ञानवर्धिनी शिक्षण संस्थेच्या ग्लोबल इन्स्टिट्यूट ऑफ मॅनेजमेंटचे प्राध्यापक ऋषिकेश जगदीश मालाणी यांना विद्यावाचस्पती (पीएचडी) पदवी प्रदान करण्यात आली आहे.
प्रा. ऋषिकेश मालाणी यांनी बँकिंग अँड फायनान्स या विषयांतर्गत “महाराष्ट्रातील नागरी सहकारी पतसंस्थांच्या समस्या आणि संभावनांचा अभ्यास” या विषयावर संशोधन कार्य केले.
त्यांना मार्गदर्शक म्हणून प्रो. डॉ. आर. एन. वाकचौरे यांचे मार्गदर्शन लाभले. पीएचडी प्रबंधाच्या मौखिक सादरीकरणासाठी रेफरी म्हणून डॉ. बाबासाहेब आंबेडकर मराठवाडा विद्यापीठाच्या वाणिज्य व व्यवस्थापन विभाग प्रमुख प्रा. डॉ. वीणा हुंबे तर बहिस्थ परीक्षक म्हणून वींझर महाविद्यालयाचे प्राचार्य प्रा. डॉ. संजीव लाटे यांचे मोलाचे मार्गदर्शन लाभले.
प्रा. ऋषिकेश मालाणी यांनी त्यांचे संशोधन कार्य संगमनेर महाविद्यालयाच्या संशोधन केंद्रातून पूर्ण केले. त्यांना यासाठी संगमनेर महाविद्यालयाचे प्राचार्य प्रा. डॉ. अरुण गायकवाड यांच्यासह अन्य प्राध्यापकांचे सहकार्य लाभले.
शिक्षण प्रसारक संस्थेचे कार्याध्यक्ष डॉ. संजय मालपाणी, सचिव अनिल राठी, सी. ए. नारायण कलंत्री यांच्यासह प्रा. ऋषिकेश मालाणी यांचे मित्र परिवारातून अभिनंदन होत आहे.
