महाराष्ट्र संवाद न्यूज
संगमनेर – अनुदानित – विनाअनुदानित शाळा, महाविद्यालयांच्या प्रवेशासाठी शिक्षण संस्थांकडून अवास्तव फी आकारणी केली जात आहे. या फी मध्ये कपात करण्याची मागणी संगमनेर शिवसेनेच्या (ठाकरे) युवा सेनेच्यावतीने उपशहरप्रमुख फैसल सय्यद व युवा सेनेच्या पदाधिकारी कार्यकर्त्यांनी शाळा महाविद्यालयांना निवेदन देत केली आहे.
नॅशनल इंग्लिश मीडियमसह शहरातील अन्य शैक्षणिक संस्थांना हे निवेदन देण्यात आले असल्याचे सय्यद यांच्यासह युवा सेना शहरप्रमुख गोविंद नागरे, विधानसभा प्रमुख अमोल डुकरे, युवा सेना समन्वयक अक्षय बिल्लाडे यांनी सांगितले.
शैक्षणिक संस्थांना देण्यात आलेल्या निवेदनात म्हटले आहे की, सध्या शाळा व महाविद्यालयांमध्ये अनेक विद्यार्थी प्रवेश घेत आहेत. त्यात शासनाचं अनुदान स्कॉलरशिप व कॅटेगिरी फार्म भरून देखील अनेक विद्यार्थ्यांना एस.सी., एस. टी., एन. टी., ओबीसी, एसबीसी आरक्षणाचा कोणताही फायदा शाळेमार्फत मिळत नसल्याचे दिसून आले आहे.
आपल्या शाळेत महाविद्यालयात जर असं काही होत असेल तर त्याविरुद्ध शिवसेना (उद्धव बाळासाहेब ठाकरे) पक्षाचे युवासैनिक आवाज उठवल्याशिवाय शांत बसणार नाही तरी आपण, प्रवेश घेतानाच सर्व कॅटेगिरीच्या विद्यार्थ्यांना आरक्षण कसे मिळेल, आरक्षणाचा लाभ, स्कॉलरशिपचा फायदा कसा मिळेल व विद्यार्थ्यांना प्रवेश फीमध्ये कमीत कमी शुल्क कसे आकारले जातील याची दक्षता घ्यावी, तसेच ज्या शाळांना शासकीय अनुदान आहे त्यांनी अजिबात अवाढव्य फी आकारू नये.
जास्तीची फी आकारली जात असल्याचे आढळल्यास कोणत्याही क्षणी आपल्या शाळा, महाविद्यालयावर युवा सेना संगमनेरच्यावतीने आंदोलन करण्यात येईल.
युवा सेनेचे शिर्डी लोकसभा संपर्कप्रमुख विस्तारक मितेश साटम, जिल्हाप्रमुख अमित चव्हाण, उपजिल्हाप्रमुख वैभव अभंग, उपजिल्हा समन्वयक पप्पू कानकाटे यांच्या मार्गदर्शनाखाली तसेच उपशहर प्रमुख अक्षय गाडे, उप तालुका प्रमुख सागर भागवत, जनार्दन नागरे, पठारभाग तालुकाप्रमुख योगेश खेमनर, युवा सेना उप तालुकाप्रमुख फैरोज कतारी, गुलाब कोकाटे, सचिन साळवे, शाखा प्रमुख रहीम बेग, मोसिन शेख, अल्ताफ शेख, आयनूर शाह, माजी विभाग प्रमुख इरफान सय्यद, मुस्लिम मावळा अजीज मोमीन, युवा सैनिक फाईक शेख, समीर शेख, अरबाज शेख, शाहीदभाई जहागीरदार आदींच्या निवेदनावर सह्या आहेत.
