डॉ. बाबासाहेब आंबेडकर मराठवाडा विद्यापीठाच्या अभ्यास मंडळावर संगमनेर महाविद्यालयाचे प्राचार्य प्रो. डॉ. गायकवाड यांची निवड

महाराष्ट्र संवाद न्यूज
संगमनेर – संगमनेर महाविद्यालयाचे प्राचार्य प्रो. डॉ. अरुण गायकवाड यांची डॉ. बाबासाहेब आंबेडकर मराठवाडा विद्यापीठाच्या “व्यावसायिक व्यवस्थापन आणि व्यावसायिक कायदे” या अभ्यास मंडळावर निवड झाली. कुलगुरूंकडून गायकवाड यांच्या नावाचे नामनिर्देशन करण्यात आले.
प्राचार्य डॉ. अरुण गायकवाड हे ३३ वर्षांपासून अध्यापनाचे कार्य करत असून वाणिज्य विभागाचे विभागप्रमुख म्हणुन कार्यरत आहेत. आत्तापर्यंत त्यांनी सावित्रीबाई फुले पुणे विद्यापीठाच्या बिझनेस ला बोर्डाचे अध्यक्ष, व्होकेशनल कॉमर्स अभ्यास मंडळाचे अध्यक्ष, विद्या परीषद सदस्य, अकौंटन्सी अभ्यास मंडळ सदस्य, वाणिज्य व व्यवस्थापन विद्याशाखा सदस्य आदी अधिकार मंडळामध्ये वेगवेगळ्या शैक्षणिक जबाबदाऱ्या पार पाडल्या असून इतर विद्यापीठात व स्वायत्त महाविद्यालयाच्या विविध अभ्यासमंडळावर काम पहात आहेत.
आंतरराष्ट्रीय व राष्ट्रीय स्तरावरील अनेक चर्चासत्रात त्यांनी सहभाग घेतला आहेत. आज पावेतो त्यांची आंतरराष्ट्रीय जर्नल्समध्ये ९८ संशोधन लेख व ४४ पुस्तके प्रकाशित झाली आहेत. इंडियन कॉमर्स असोसिएशनद्वारे राबविण्यात येणा-या शैक्षणिक उपक्रमामध्ये त्यांनी भरीव योगदान दिलेले आहे.
इंडियन कॉमर्स असोसिएशनचा Fellow of ICA व महाराष्ट्र कॉमर्स असोसिएशनच्या Fellow of MCA ने गौरविण्यात आले आहे. आय.सी.ए.च्या पश्चिम विभागाचे कार्यकारी मंडळाचे सदस्य म्हणून ते काम पहात आहेत.
यापूर्वी त्यांना पुणे विद्यापीठाच्या आदर्श शिक्षक पुरस्काराने गौरविण्यात आले असून त्यांनी राष्ट्रीय छात्र सेना अंतर्गत अनेक समाजाभिमुख उपक्रम महाविद्यालयात राबविले. याची दखल घेवुन सावित्रीबाई फुले पुणे विद्यापीठ, विद्यार्थी कल्याण मंडळाने त्यांना उत्कृष्ट एन.सी.सी.अधिकारी म्हणुन देखील गौरविलेले आहे.
मराठवाडा विद्यापीठाच्या अभ्यास मंडळावर झालेल्या निवडीबद्दल प्रो. डॉ. गायकवाड यांचे शिक्षण प्रसारक संस्थेचे अघ्यक्ष कार्याध्यक्ष डॉ. संजय मालपाणी, सचिव डॉ. अनिल राठी, जनरल सेक्रेटरी सीए नारायण कलंत्री, खजिनदार राजकुमार गांधी यांच्यासह उपप्राचार्य प्रा. राजेंद्र लढ्ढा, उपप्राचार्य डॉ. रविंद्र ताशिलदार आदींनी अभिनंदन केले.