महाराष्ट्र संवाद न्यूज
ठाणे – मुख्यमंत्री एकनाथ शिंदे गटाचे शिवसेना उपशाखाप्रमुख अक्षय ठुबे यांची धारदार शासनाने हत्या केल्याचा धक्कादायक प्रकार ठाण्यात समोर आला आहे. ठुबे वसंत विहार भागातील शिवसेनेचे उपशाखाप्रमुख होते. दरम्यान याप्रकरणी पोलिसांनी तिघा जणांना अटक केली आहे.
मंगळवारपासून होते बेपत्ता: वसंत विहारच्या धर्मवीर नगर परिसरात राहणारे उपशाखाप्रमुख अक्षय ठुबे मंगळवारपासून बेपत्ता होते. ते घरी परतले नसल्याने बेपत्ता झाल्याची तक्रार त्यांच्या कुटुंबीयांनी बुधवारी चितळसर पोलीस ठाण्यात नोंदवली होती. पोलीस ठुबे यांचा शोध घेत होते.
बुधवारी रात्री आढळला मृतदेह: बुधवारी रात्री अक्षय ठुबे यांचा मृतदेह कोकणी पाडा परिसरातील जंगलात आढळून आला. तुबे यांची हत्या झाल्याचे समोर आल्यानंतर पोलिसांनी त्वरेने तपास करत रात्रीच तिघा जणांना अटक केली आहे. अटक केलेल्या आरोपींनी ठुबे यांच्या हत्येची कबुली दिली असून आर्थिक व्यवहारातून ही हत्या झाल्याचे पोलिसांनी सांगितले.
आर्थिक कारणातून हत्या: पोलिसांनी पकडलेल्या मारेकऱ्यांना अक्षय ठुबे यांनी साडेतीन लाख रुपये दिले होते. हे पैसे परत मिळावेत यासाठी ठुबे यांचा आरोपींकडे तगादा सुरू होता. यातूनच आरोपींनी धारदार शस्त्राने ठुबे यांची हत्या केल्याची कबुली दिल्याचे सांगितले जाते.
ठाण्यात खळबळ: मुख्यमंत्री एकनाथ शिंदे यांच्या गटाच्या उपशाखाप्रमुखाची हत्या झाल्याने ठाण्यात खळबळ उडाली आहे.
