महाराष्ट्र संवाद न्यूज
संगमनेर – संगमनेरचे पोलीस उपाधीक्षक सोमनाथ वाघचौरे यांच्या नेतृत्वाखालील पथकाने पकडलेल्या दोघा जणांकडून ठिबक सिंचन पाईप चोरीचे रॅकेट समोर आले आहे. या चोरट्यांनी काही पाईप चोरीची कबुली दिली असून आणखी गुन्हे समोर येण्याची शक्यता आहे.
हे आहेत आरोपी: फरदिन इसाक शेख व नवशाद इशाक शेख (दोन्ही रा. अकोलेनाका, संगमनेर) अशी पकडलेल्या आरोपींची नावे आहेत. पकडलेल्या आरोपींकडून संगमनेर शहरातील दोन व संगमनेर तालुका अकोले पोलीस स्टेशनच्या हद्दीतील एकेक गुन्ह्याची दाखल करण्यात पोलिसांना यश आले आहे. याशिवाय आरोपी विरोधात चोरीचे आणखी काही गुन्हे देखील दाखल आहेत.
चोऱ्यांचे सत्र होते सुरू: गेल्या काही दिवसापासून संगमनेरमध्ये जल जीवन मिशन व शेतकऱ्यांच्या शेतातील ठिबक सिंचनच्या पाईप चोरीचे प्रकार समोर आले होते. तीन दिवसांपूर्वी तालुक्यातील नांदुरी दुमाला येथे देखील शेतकऱ्याच्या घरासमोरील ठिबक सिंचन ची पाईप गाडीमध्ये टाकून त्याची चोरी करून पळण्याच्या तयारीत असलेल्या पिकअपचा ग्रामस्थांनी पाठलाग केला असता तीन-चार चोरटे अंधाराचा फायदा घेऊन पीकअप सोडून पळून जाण्यात यशस्वी झाले होते. या संदर्भात संगमनेर तालुका पोलीस ठाण्यात गुन्हा दाखल करण्यात आला होता.
दिले कारवाईचे आदेश: सातत्याने घडणाऱ्या या प्रकारासंदर्भात वरिष्ठ पातळीवर दखल घेण्यात आली. पोलीस उपाधीक्षक सोमनाथ वाघचौरे यांना या चोरांबद्दल माहिती मिळाली होती. वाघचौरे यांनी या संदर्भात पथकाला कारवाईच्या आदेश दिले.
यांनी पकडले: वाघचौरे यांच्या मार्गदर्शनाखाली तालुका पोलीस स्टेशनचे आभारी अधिकारी प्रशिक्षणार्थी पोलीस उपाधीक्षक शिरीष वमने, उपाधीक्षक वाघचौरे यांच्या पथकातील पोलीस नाईक राहुल डोके, पोलीस कॉन्स्टेबल राहुल सारबंदे, तालुका पोलीस ठाण्याचे सचिन उगले यांनी दोन्ही आरोपींना पकडा त्यांच्याकडे चौकशी केली असता त्यांनी गुन्ह्याची कबुली दिली. पोलिसांनी पकडलेल्या आरोपी पैकी फरदीन इसाक शेख हा सराईत गुन्हेगार आहे. दोन्ही आरोपी सध्या कोठडीत आहेत.
