वृत्तपत्रात, फ्लेक्सवर नावांची कारवाई टाळण्यासाठी संगमनेरचे मुख्याधिकारी रामदास कोकरे यांनी केले हे आवाहन…
रविवारसह इतर सुट्टीच्या दिवशी देखील नगरपरिषदेने वसुली विभागाचे कार्यालय सुरू ठेवले आहे.
संगमनेर, दि. १६ फेब्रुवारी – प्रतिनिधी
कोकरे म्हणाले, संभाव्य कारवाई टाळण्यासाठी नागरिकांनी नगरपरिषदेस सहकार्य करावे. मार्च महिना जवळ येत असल्याने मालमत्ता व पाणीपट्टी कराच्या थकीत बिलांच्या वसुलीसाठी विशेष वसुली मोहीम अभियान राबविण्यात येत आहे. यासाठी मालिकेतील विविध विभागातील अधिकारी व कर्मचाऱ्यांचे पथक तयार करण्यात आले आहे.
या पथकाद्वारे विशेष वसुली अभियानांतर्गत शहरातील मालमत्ता व पाणीपट्टी करायची ज्या थकबाकीदारांकडे थकबाकी आहे अशा थकबाकीदारांवर नळ जोडणे तोडण्याची, मालमत्ता जप्तीची, थकबाकीदारांची नावे वृत्तपत्रात प्रसिद्ध करण्याची तसेच शहरातील विविध भागात थकबाकीदारांच्या नावाचा फ्लेक्स लावणे अशा प्रकारची कारवाई केली जाणार आहे.
नगरपरिषदेकडून थकबाकीदारांवर करण्यात येणारी संभाव्य कारवाई टाळण्यासाठी नागरिकांनी आपल्याकडे असलेल्या मालमत्ता व पाणीपट्टी कराचा वेळेत भरणा करावा, असे आवाहन कोकरे यांनी केले आहे.
शनिवार, रविवारसह सुट्टीच्या दिवशी देखील वसुली विभागाचे कार्यालय सुरू… दरम्यान नागरिकांना मालमत्ता व पाणीपट्टी कराचा भरणा करता यावा यासाठी शनिवार, रविवारसह इतर सुट्टीच्या दिवशी देखील नगरपरिषदेने वसुली विभागाचे कार्यालय सुरू ठेवले आहे. नागरिकांनी याचा फायदा घेत आपल्याकडे असणाऱ्या करांचा वेळेत भरणा करावा. – रामदास कोकरे, मुख्याधिकारी तथा प्रशासक.
