मुंबई:
राज्य सरकारच्या गृह विभागाकडून पोलीस अधिकाऱ्यांच्या बदल्यांचा सिलसिला सुरूच असून मंगळवारी भारतीय पोलीस आणि राज्य पोलीस दलातील १८ वरिष्ठ पोलीस अधिकाऱ्यांच्या बदल्या करण्यात आल्या असून यात अहिल्यानगर जिल्ह्याच्या उत्तरेत पोलीस उपअधीक्षक म्हणून काम केलेल्या सोमनाथ वाघचौरे यांची श्रीरामपूरचे अपर पोलीस अधीक्षक म्हणून नियुक्ती करण्यात आली आहे.
अहिल्यानगर जिल्ह्यातील श्रीरामपूर, शिर्डी आणि संगमनेर या तीन उपविभागांमध्ये पोलीस उपअधीक्षक म्हणून कार्यरत असताना त्यांनी अनेक गंभीर गुन्हे उघडकीस आणले होते. उत्कृष्ट पोलीस सेवेसाठी त्यांना पोलीस महासंचालक पदकानेही सन्मानित करण्यात आले आहे.
संगमनेर येथून बदली झाल्यानंतर सध्या ते दौंड येथील राज्य राखीव पोलीस बल (गट क्रं. ५) येथे पोलीस अधीक्षक म्हणून कार्यरत आहेत. लवकरच ते श्रीरामपूर विभागाच्या अपर पोलीस अधीक्षक पदाची सूत्रे हाती घेतील. त्यांच्या नियुक्तीमुळे श्रीरामपूर विभागातील कायदा आणि सुव्यवस्थेची स्थिती आणखी मजबूत होईल, अशी अपेक्षा व्यक्त केली जात आहे.
सुधारित पदस्थापनांचा तपशील खालीलप्रमाणे आहे:
* विजय कबाडे: पोलीस उप आयुक्त (मुख्यालय), नागपूर शहर, यांना त्यांच्या विद्यमान पदावर एक वर्षाची मुदतवाढ देण्यात आली आहे.
* योगेश चव्हाण: यापूर्वी नाशिक शहराचे पोलीस उप आयुक्त असलेले, आता राज्य गुप्तवार्ता विभाग, मुंबई येथे पोलीस उप आयुक्त असतील.
* अशोक थोरात: मुख्यमंत्री सुरक्षा, विशेष सुरक्षा विभाग, राज्य गुप्तवार्ता विभाग, मुंबई येथील पोलीस अधीक्षक असलेले, आता अपर पोलीस अधीक्षक, यवतमाळ असतील.
* अमोल झेंडे: जे पदस्थापनेच्या प्रतीक्षेत होते, त्यांची पुणे महानगर विकास प्राधिकरण, पुणे येथे दक्षता अधिकारी म्हणून नियुक्ती करण्यात आली आहे.
* दीपक देवराज: सहायक पोलीस महानिरीक्षक, आर्थिक गुन्हे शाखा, महाराष्ट्र राज्य, मुंबई, यांना त्यांच्या विद्यमान पदावर एक वर्षाची मुदतवाढ मिळाली आहे.
* सागर नेताजी पाटील: यापूर्वी पोलीस उप आयुक्त, परिमंडळ १, अमरावती शहर असलेले, आता सहायक पोलीस महानिरीक्षक, कायदा व सुरक्षा, महाराष्ट्र राज्य, मुंबई असतील.
* स्मिता पाटील: पोलीस उप आयुक्त, परिमंडळ १२, बृहन्मुंबई, यांची महाराष्ट्र राज्य सुरक्षा महामंडळ, मुंबई येथे पोलीस अधीक्षक म्हणून नियुक्ती करण्यात आली आहे.
* जयंत बजबळे: पोलीस उप आयुक्त, मिरा-भाईंदर-वसई-विरार, आता नागरी हक्क संरक्षण, ठाणे येथे पोलीस अधीक्षक असतील.
* सुनिल लांजेवार: जे पदस्थापनेच्या प्रतीक्षेत होते, त्यांची राज्य गुप्तवार्ता विभाग, छत्रपती संभाजीनगर शहर येथे पोलीस उप आयुक्त म्हणून नियुक्ती करण्यात आली आहे.
* जयश्री गायकवाड: अपर पोलीस अधीक्षक, रत्नागिरी, आता गुन्हे अन्वेषण विभाग, छत्रपती संभाजीनगर येथे पोलीस अधीक्षक असतील.
* रत्नाकर नवले: अपर पोलीस अधीक्षक, नागरी दहशतवाद विरोधी प्रशिक्षण केंद्र, फोर्स वन, महाराष्ट्र राज्य, मुंबई, आता गुन्हे अन्वेषण विभाग, अमरावती शहर येथे पोलीस उप आयुक्त असतील.
* प्रशांत बच्छाव: पोलीस उप आयुक्त, नाशिक शहर, यांची नागरी हक्क संरक्षण, नाशिक येथे पोलीस अधीक्षक म्हणून नियुक्ती करण्यात आली आहे.
* नम्रता पाटील: समादेशक, रा. रा. पोलीस बल गट क्र. २, पुणे, आता राज्य गुप्तवार्ता विभाग, पुणे येथे पोलीस उप आयुक्त असतील.
भा.पो.से./रा.पो.से. अधिकाऱ्यांव्यतिरिक्त, काही राज्य पोलीस सेवेतील (रा.पो.से.) अधिकाऱ्यांच्याही बदल्या करण्यात आल्या आहेत:
* अमोल गायकवाड: समादेशक, आयआरबी २, रा. रा. पोलीस बल गट क्र. १५, बिरसी कॅम्प, गोंदिया, यांची अपर पोलीस अधीक्षक, बुलढाणा येथे बदली करण्यात आली आहे.
* पियुष जगताप: यापूर्वी अपर पोलीस अधीक्षक, यवतमाळ असलेले, आता समादेशक, रा. रा. पोलीस बल, गट क्र. १७, चंद्रपूर असतील.
* बजरंग बनसोडे: जे पदस्थापनेच्या प्रतीक्षेत होते, त्यांची दहशतवाद विरोधी पथक, छत्रपती संभाजीनगर शहर येथे पोलीस अधीक्षक म्हणून नियुक्ती करण्यात आली आहे.
* ज्योती क्षीरसागर: पोलीस अधीक्षक, महाराष्ट्र पोलीस अकादमी, नाशिक, आता नागरी हक्क संरक्षण, कोल्हापूर येथे पोलीस अधीक्षक असतील.
* सोमनाथ वाघचौरे: समादेशक, रा. रा. पोलीस बल गट क्र. ५, दौंड, पुणे, यांची अपर पोलीस अधीक्षक, श्रीरामपूर येथे बदली करण्यात आली आहे.
