संगमनेरचे साळी समाजाचे नेते, जेष्ठ शिवसैनिक कैलास (आप्पासाहेब) केसेकर यांचे निधन

संगमनेर, प्रतिनिधी – 
शिवसेनेचे माजी जिल्हा उपप्रमुख आणि संगमनेरमधील साळी समाजाचे मार्गदर्शक, जेष्ठ शिवसैनिक कैलास उर्फ आप्पासाहेब मुरलीधर केसेकर (वय ६१) यांचे शुक्रवारी, २३ जानेवारी रोजी रात्री १० वाजता अल्पशा आजाराने दुःखद निधन झाले. 
एक निष्ठावान शिवसैनिक आणि अभ्यासू नेतृत्व म्हणून त्यांची ओळख होती, त्यांच्या जाण्याने संगमनेर तालुक्यासह जिल्ह्यात शोककळा पसरली आहे. अन्यायग्रस्त नागरिकांना न्याय मिळवून देण्यासाठी आप्पाशेठ हक्काचा आधार होते. त्यामुळे अनेकांचे हॉटेल ओंकारेश्वर हे न्याय मागण्यासाठी हक्काचे ठिकाण होते. सर्व समाज घटकातील नागरिकांशी त्यांचा मोठा स्नेह होता. धर्मवीर, हिंदू हृदय सम्राट अशा पदव्या त्यांना संगमनेरकरांनी दिल्या होत्या. त्यांच्या निधनाने केवळ साळी समाजाच्याच नव्हे तर संगमनेर करांचे मोठे नुकसान झाले आहे. केसेकर यांनी शिवसेनेच्या माध्यमातून सामाजिक आणि राजकीय क्षेत्रात दीर्घकाळ योगदान दिले होते.

त्यांच्या पश्चात बंधू भरत मुरलीधर केसेकर आणि मोठा केसेकर परिवार आहे.
त्यांची अंत्ययात्रा आज शनिवार, दिनांक २४ जानेवारी २०२६ रोजी दुपारी ४:०० वाजता साळीवाडा येथील त्यांच्या ‘नाना-ताई’ केसेकर सदन या निवासस्थानावरून निघणार आहे. संगमनेर येथील अमरधाम येथे त्यांच्या पार्थिवावर अंत्यसंस्कार करण्यात येणार असल्याचे केसेकर परिवाराकडून कळवण्यात आले आहे.