संगमनेरमधील अकोले बायपासवरील भाजीबाजार हटवला; पोलीस आणि भाजीपाला विक्रेत्यांमध्ये प्रचंड हायव्होल्टेज ड्रामा, एक ताब्यात
सुरुवातीला पालिका कर्मचारी आणि विक्रेत्यांमध्ये शाब्दिक चकमक उडाली, परंतु काही वेळातच या वादाचे पर्यावसान थेट धक्काबुक्कीत झाले
अतिक्रमण हटाव मोहिमेला हिंसक वळण लागून पोलीस आणि विक्रेत्यांमध्ये जोरदार झटापट झाली. यात दोन कर्मचाऱ्यांचे कपडे फाटल्याची धक्कादायक घटना घडली असून, पोलिसांनी एका विक्रेत्याला ताब्यात घेतले असून त्याने मद्यप्राशन केले असल्याचे बोलले जात आहे.
या गोंधळात पोलिसांवर हात टाकणाऱ्या एका भाजीपाला विक्रेत्याला पोलिसांनी जागीच चोप देत ताब्यात घेतले आणि शासकीय गाडीत टाकले. हा संबंधित विक्रेता दारूच्या नशेत धुंद होता आणि पोलिसांच्या गाडीत बसवल्यानंतर तो ‘जय श्रीराम’च्या घोषणा देत होता. या खळबळजनक घटनेनंतर परिसरात काही काळ तणावाचे वातावरण निर्माण झाले होते.
