महाराष्ट्र संवाद न्यूज नेटवर्क
संगमनेर : महाराष्ट्र राज्य परीक्षा परिषदेअंतर्गत घेतल्या जाणाऱ्या शिष्यवृत्ती परीक्षेमध्ये संगमनेरच्या श्री दिगंबर गणेश सराफ विद्यालयातील विद्यार्थ्यांनी घवघवीत यश मिळविले आहे. इयत्ता पाचवीमधील चौदा तर इयत्ता आठवीमधील चार विद्यार्थ्यांचा गुणवत्ता यादीत समावेश असल्याची माहिती विद्यालयाच्यावतीने देण्यात आली आहे.
शिष्यवृत्ती परीक्षेचा राज्य व जिल्हा पात्र विद्यार्थ्यांचा निकाल जाहीर झाला असून सर्वच्या सर्व अठरा विद्यार्थी शिष्यवृत्ती पात्र ठरले आहेत. यामध्ये इयत्ता पाचवीमध्ये शिकणाऱ्या विद्यार्थ्यांपैकी नील अमोल गायकवाड यांने ११ वा क्रमांक, नमिता मंगेश सांगळे हिने २६ वा क्रमांक, श्रद्धा योगेश दुर्गुडे हिने ३८ वा क्रमांक, दीपज्योत प्रदीप शेळके याने जिल्ह्यात ४७ वा क्रमांक, संस्कृती संदीप भोर हिने ५८ वा क्रमांक, संस्कृती संदीप कोठवळ हिने १०१ वा क्रमांक, साई संतोष डोंगरे याने १०७ वा क्रमांक, सुवर्धन वैभव डोंगरे याने १५५ वा क्रमांक, आराध्या प्रवीण वरपे हिने जिल्ह्यात १७४ वा, स्वरदा सचिन कडलक हिने जिल्ह्यात १९७ वा, प्रांजल भारत मोरे हिने जिल्ह्यात २०६ वा क्रमांक, चैतन्य संदीप खेमनर याने जिल्ह्यात २२१ वा क्रमांक, आयशासुबीन इरफान पठाण हिने जिल्ह्यात २४१ वा क्रमांक व वेदिका प्रवीण कोटकर हिने जिल्ह्यात २७८ वा क्रमांक मिळविला असून इयत्ता आठवीच्या विद्यार्थ्यांमध्ये अनन्या अमोल गायकवाड हिने १२४ वा क्रमांक, प्रज्योत प्रदिप शेळके याने १५८ वा क्रमांक, श्रेया अनिल कोल्हे हिने १८० वा क्रमांक, रुद्राणी प्रकाश गाडेकर हिने जिल्ह्यात १९८ वा क्रमांक मिळविला असून हे सर्व विद्यार्थी शिष्यवृत्ती पात्र ठरले आहेत.
यशस्वी विद्यार्थी व त्यांच्या पालकांचे, मार्गदर्शक करणाऱ्या शिक्षकांचे बाल शिक्षण मंडळाच्या वतीने अभिनंदन करण्यात आले आहे.
