महाराष्ट्र संवाद न्यूज
आश्वी:
प्रांत अधिकाऱ्यांच्या हद्दपारीच्या आदेशाचे उल्लंघन करत तालुक्यात फिरणाऱ्या रवींद्र उर्फ बंटी साहेबराव उर्फ आबासाहेब मदने (रा. आश्वी बुद्रुक ता. संगमनेर, जि. अहमदनगर याला पोलिसांनी ताब्यात घेतले असून त्याच्या विरोधात आश्वी पोलीस ठाण्यात गुन्हा दाखल करण्यात आला आहे.
रवींद्र उर्फ बंटी साहेबराव उर्फ आबासाहेब मदने याला संगमनेरच्या प्रांताधिकार्यांनी तालुका क्षेत्रातून 7 डिसेंबर 2022 ते 6 जून 2023 या कालखंडासाठी हद्दपार केले होते. हद्दपार केलेला कालावधी संपण्यापूर्वीच मदने हा आश्वी बुद्रुक गावाच्या शिवारामध्ये असलेल्या हॉटेल साईदीप मध्ये फिरत असल्याची माहिती आश्वी पोलीस ठाण्याचे पोलीस निरीक्षक संतोष भंडारे यांना मिळाली होती.
पोलीस निरीक्षक भंडारे यांनी तातडीने पोलीस कर्मचारी निलेश वर्पे पोलीस नाईक गंभीरे आदींच्या पथकाला मदने याच्यावर कारवाई करण्यासाठी पाठविले. पोलीस पथकाला मदने हा हॉटेल साईदीप मध्ये आढळून आला त्यामुळे पथकाने त्याला ताब्यात घेत आश्वी पोलीस ठाण्यात आणले तेथे त्याच्या विरोधात गुन्हा दाखल करण्यात आला आहे.
