महाराष्ट्र संवाद न्यूज
संगमनेरः
संस्कृत भाषेच्या अभ्यासासाठी शब्दकोष समृद्ध करून शब्दज्ञान अत्यावश्यक आहे. असे प्रतिपादन डॉ. रवींद्र मुळे यांनी केले.
श्री दामोदर मालपाणी मेमोरिअल ट्रस्ट, संस्कृत संवर्धन मंडळ व महाविद्यालय शाळा समूह योजना संगमनेर केंद्र व संगमनेर महविद्यालयातील संस्कृत भाषा विभाग यांच्या संयुक्त विद्यमाने संस्कृत विविध गुणदर्शन मराठी, इंग्रजी वक्तृत्व स्पर्धेच्या पारितोषिक वितरण समारंभाप्रसंगी ते बोलत होते. व्यासपीठावर दामोदर मालपाणी मेमोरिअल ट्रस्टचे प्रमुख विश्वस्त व शिक्षण प्रसारक संस्थेचे कार्याध्यक्ष डॉ. संजय मालपाणी, श्रीमती सुवर्णा मालपाणी, प्राचार्य डॉ. प्रो. डॉ. अरुण गायकवाड, प्राचार्य मुकुंद डांगे, प्रा. अरुण लेले, संस्कृत विभाग प्रमुख डॉ. अनिरुद्ध मंडलिक, स्पर्धा समन्वय अधिकारी डॉ. रोशन भगत आदी उपस्थित होते.
डॉ. मुळे म्हणाले, वर्णोच्चारण स्थानाचे ज्ञान, आवाजातील चढ-उतार, शब्दस्वरूप या गोष्टी आत्मसात करणे गरजेचे आहे. संस्कृत भाषेच्या अभ्यासासाठी शब्दज्ञान, शब्दसंग्रह, शब्दांचे प्रभावी उच्चारण अत्यावश्यक आहे.
डॉ.संजय मालपाणी यांनी आपल्या भाषणात प्रमुख अतिथींचा गौरव करत स्पर्धांच्या परंपरेची माहिती दिली. तसेच महाविद्यालय शाळा समूह योजनेच्या केंद्राद्वारे संस्कृत, मराठी व इंग्रजी विषयांच्या कथाकथन, वक्तृत्व स्पर्धा प्राथमिक, माध्यमिक व उच्च माध्यमिक स्तरावर घेणारे संगमनेर महाविद्यालय हे एकमेव महाविद्यालय आहे. कथा सादर करताना श्वासावर योग्य नियंत्रण असणे गरजेचे आहे. त्यासाठी प्रतिदिन आेंकार उच्चारण करावे. याबाबत त्यांनी सोदाहरण प्रतिपादन केले.
प्रास्ताविक करताना महाविद्यालय शाळा-समूह योजनेचे केंद्राध्यक्ष प्राचार्य प्रो. डॉ. अरुण गायकवाड म्हणाले की, महाविद्यालय, शाळा समूह योजने अंतर्गत होणाऱ्या संस्कृत, मराठी व इंग्रजी वक्तृत्व स्पर्धा सुरळीत सुरू राहण्यामध्ये श्री दामोदर मालपाणी मेमोरियल ट्रस्ट व ट्रस्टचे विश्वस्त डॉ. संजय मालपाणी यांचा मोलाचा वाटा आहे.
अतिथींचा परिचय व स्वागत कु. अनुजा मुलंची यांनी केले. पारितोषिक निवेदन प्रा. सुरेखा भवर, प्रा. योगीता पाटील यांनी केले. सूत्रसचांलन कु. मधुरा भंडारी यांनी केले तर आभार कु. वैष्णवी भागवत यांनी मानले. कार्यक्रमाच्या यशस्वीतेसाठी संगमनेर महाविद्यालयातील संस्कृत विभागातील प्रा. डॉ. शशिकांत बांगर, प्रा. विजय भोर, तसेच श्रीमती ललितादेवी मालपाणी शिक्षणशास्त्र महाविद्यालयातील सर्व शिक्षक व शिक्षकेतर सहकारी आणि दामोदर मेमोरिअल ट्रस्टचे सर्व सहकारी, राधेश्याम राठी व त्यांचे सहकारी यांनी परिश्रम घेतले. तसेच कु. वैष्णवी मैड, कु. प्रियंका रहाणे, कु.काजल काळे, कु. क्रांती एखंडे, कु. ऋतुजा मुळे या विद्यार्थिनींनी सक्रीय सहभाग घेतला.
गेल्या ४२ वर्षापासून मराठी, ३५ वर्षापासून संस्कृत व १६ वर्षापासून इंग्रजी स्पर्धांचे आयोजन केले जाते. दि. २२ जानेवारी २०२३ व २९ जानेवारी २०२३ अशा दोन टप्प्यात श्रीमती ललितादेवी मालपाणी शिक्षणशास्त्र महाविद्यालयात सदर स्पर्धा पार पडल्या. एकूण ७१ शाळांमधून १५०५ विद्यार्थ्यांनी स्पर्धांमध्ये यशस्वी सहभाग नोंदविला. पारितोषिक स्वरूपात एकूण दोन लाख रूपये किमतीच्या पुस्तकांचे वाटप विद्यार्थ्यांना केले गेले.
