महाराष्ट्र संवाद न्यूज
संगमनेर महाविद्यालयाच्या संस्कृत संशोधन केंद्रातील विद्यार्थिनी आणि आश्वी खुर्द येथील कर्मवीर भाऊराव पाटील विद्यानिकेतनच्या पर्यवेक्षिका माधुरी सातपुते यांना सावित्रीबाई फुले पुणे विद्यापीठाची पीएचडी पदवी मिळाली आहे. महाविद्यालयाच्या माजी संस्कृत विभाग प्रमुख प्राध्यापिका डॉ. रूपाली कापरे यांच्या मार्गदर्शनाखाली त्यांना हे यश मिळाले.
त्यांचा महाविद्यालयाच्यावतीने गौरव करण्यात आला. यावेळी उपप्राचार्य डॉ. रवींद्र तासीलदार, मार्गदर्शिका डॉ. रूपाली कापरे, संस्कृत विभागप्रमुख डॉ. अनिरुद्ध मंडलिक, महाविद्यालयाचे कुलसचिव संतोष फापाळे आदी यावेळी उपस्थित होते.
यावेळी बोलताना महाविद्यालयाचे प्राचार्य प्रोफेसर डॉ. अरुण गायकवाड म्हणाले, सातपुते ह्या लोणी खुर्द येथील प्रवरा कन्या विद्या मंदिर मध्ये 25 वर्षापासून संस्कृत शिक्षिका म्हणून कार्यरत होत्या. ऑगस्ट 2021 पासून त्या आश्वी खुर्द येथील कर्मवीर भाऊराव पाटील विद्यानिकेतनमध्ये पर्यवेक्षिका म्हणून कार्यरत आहेत. त्यांनी डॉ. रूपाली कापरे यांच्या मार्गदर्शनाखाली ही पदवी प्राप्त केली.
सातपुते म्हणाल्या, पीएचडीसाठी रूपाली कापरे यांच्या बरोबरच महाविद्यालयाचे प्राचार्य प्रो. डॉ. अरुण गायकवाड संस्कृत विभागाचे माजी विभागप्रमुख डॉ. रवींद्र मुळे, सध्याचे विभागप्रमुख डॉ. अनिरुद्ध मंडलिक यांच्यासह शिक्षकेतर कर्मचाऱ्यांचे सहकार्य मिळाले.
सातपुते यांचे शिक्षण प्रसारक संस्थेचे अध्यक्ष प्रकाश क्षत्रिय, कार्याध्यक्ष डॉ. संजय मालपाणी, सचिव डॉ. अनिल राठी, जनरल सेक्रेटरी नारायण कलंत्री, खजिनदार राजकुमार गांधी आदींनी अभिनंदन केले आहे.
